ചുരുങ്ങിയ കാലയളവിനുള്ള മലയാളികളുടെ മനസ്സില്‍ ഇടം നേടിയ നസ്രിയ നാല് വര്‍ഷത്തിനു ശേഷം മലയാള സിനിമയിലേക്ക് വീണ്ടും തിരിച്ചെത്തുന്നു. അഞ്ജലി മേനോന്‍ സംവിധാനം ചെയ്ത ‘കൂടെ’ എന്ന ചിത്രത്തിലൂടെയാണ് നസ്രിയയുടെ തിരിച്ചുവരവ്‌. സിനിമയിലേക്കുള്ള തിരിച്ചു വരവിലെ സന്തോഷം നസ്രിയ ഫേസ്ബുക്ക് പേജിലൂടെ പങ്കുവെച്ചു, സിനിമയില്‍ നിന്ന് മാറിനിന്നിട്ട് നാല് വര്‍ഷമായി എന്ന തോന്നലേ ഉണ്ടാകുന്നില്ല എന്നായിരുന്നു നസ്രിയയുടെ പ്രതികരണം.
ചിത്രത്തില്‍ പൃഥ്വിരാജിന്റെ സഹോദരിയുടെ വേഷത്തിലാണ് നസ്രിയ അഭിനയിക്കുന്നത്. രജപുത്രയുടെ ബാനറില്‍ എം. രഞ്ജിത്ത് നിര്‍മ്മിക്കുന്ന ചിത്രം അധികം വൈകാതെ തന്നെ പ്രദര്‍ശനത്തിനെത്തും.എല്ലാവര്‍ക്കും ഈദ് മുബാറക് നേര്‍ന്ന നസ്രിയ ഫഹദിനൊപ്പമുള്ള ചിത്രം ഫേസ്ബുക്ക് പോസ്റ്റിലൂടെ പങ്കുവെച്ചു.
Post Your Comments