അനുശ്രീ നായികയായ ഇതിഹാസയുടെ രണ്ടാം ഭാഗം നേരിടുന്ന പ്രതിസന്ധി ഇങ്ങനെ

അനുശ്രീ നായികയായ ബിനു എസിന്‍റെ ഇതിഹാസ എന്ന ചിത്രം തിയേറ്ററില്‍ വലിയ ഓളം സൃഷ്ടിച്ച സിനിമയാണ്, അത് കൊണ്ട് തന്നെ ചിത്രത്തിന്റെ രണ്ടാം ഭാഗടത്തെക്കുറിച്ച് പ്രഖ്യാപിച്ചിരുന്നു. ഇപ്പോഴിതാ ചിത്രത്തിനെതിരെ ഇതിഹാസയുടെ തിരക്കഥാകൃത്ത് അനീഷ്‌ രംഗത്തെത്തിരിക്കുകയാണ്, തന്നോട് അതിനെ കുറിച്ച് സംസാരിക്കാതെയാണ് ബിനുവും ടീമും ഇതിഹാസയുടെ രണ്ടാം പാര്‍ട്ടുമായി മുന്നോട്ട് പോകുന്നതെന്ന് അനീഷ്‌ ആരോപിക്കുന്നു.

“ഇതിഹാസ എന്ന സിനിമ എഴുതിയ ഞാൻ പോലും അറിയാതെ ഇപ്പോൾ ‘ഇതിഹാസ 2’ എന്ന പേരിൽ പലരും എവിടയൊക്കെയോ ഇരുന്നു അതിനു രണ്ടാം ഭാഗം എഴുതുന്നു എന്ന ഒരു വാർത്ത കേൾക്കുവാനിടയായി. എന്താണ് അവരുടെ ലക്ഷ്യം എന്നു അറിയില്ല. ഇവരൊക്കെ ഭയങ്കര ബുദ്ധി രാക്ഷസന്മാർ ആണെന്നു തോന്നുന്നു.എന്തായാലും എന്റെ മരണം വരെ ഇതിഹാസ എന്ന സിനിമയുടെ കഥ, തിരക്കഥ റൈറ്റ്സ്, രണ്ടാം ഭാഗത്തിനായി ഞാൻ മറ്റാർക്കും കൊടുക്കാൻ ഉദേശിക്കുന്നില്ല. ഞാൻ ഒന്നിനും പോകില്ല എന്ന ചിലരുടെ തോന്നൽ ആകാം, അല്ലേൽ കഥ കയ്യിൽ കിട്ടി കഴിഞ്ഞാൽ അത് രാപ്പകൽ ഉറക്കമൊഴിച്ചു എഴുതി ഉണ്ടാക്കിയവനെ ഒതുക്കുന്ന ചിലരുടെ ചിന്താഗതി ആകാം.” – ഒരു മാധ്യമത്തിനു നല്‍കിയ അഭിമുഖത്തില്‍ അനീഷ്‌ വ്യക്തമാക്കുന്നു.