മലയാളത്തിലെ പല മുൻനിര നടന്മാരെയും കൊണ്ട് സാധിക്കാൻ കഴിയാത്ത അസാധാരണ നേട്ടങ്ങൾ സ്വന്തമായിയുണ്ട് ഗിന്നസ് പക്രു എന്ന അജയകുമാര്‍, തന്റെ അഭിനയ ജീവിതത്തിലെ ഓരോ അഗ്രഹങ്ങളും പൂർത്തികരിച്ച അദ്ദേഹം ഗിന്നസ് റെക്കോർഡ് വരെ എത്തി നിൽക്കുന്നു. സ്വന്തം സംവിധാന സംരംഭമായി പുറത്തിറങ്ങിയ ‘കുട്ടിയും കോലും’ഗിന്നസ് പക്രുവിന്റെ കരിയറിലെ എല്ലാ കാലവും ഓര്‍മ്മിക്കപ്പെടുന്ന പൊന്‍തൂവലായി മാറി.
ഒരു നടൻ എന്ന നിലയിൽ പലരും അദ്ദേഹത്തോട് ഏറ്റവും കൂടുതൽ ഉന്നയിച്ച ചോദ്യം അദ്ദേഹത്തിന്‍റെ പൊക്ക കുറവിനെക്കുറിച്ചായിരുന്നു , ആ ചോദ്യത്തിനൊക്കെ ചെറു മന്ദഹാസത്തോടെ ഗിന്നസ് പക്രു മറുപടി പറയുകയും ചെയ്യും.
‘പൊക്കമില്ലാത്തതാണ് എന്റെ പൊക്കമെന്ന’ കുഞ്ഞുണ്ണി മാഷിന്റെ വാചകത്തെ ഗിന്നസ് പക്രു ഏറെ ബഹുമാനിക്കുകയും ചെയ്യുന്നു. നടനായി വരുന്നതിന് മുന്‍പേ മിമിക്രിയും കോമഡി സ്കിറ്റുമിയി പലവേദികളിലും അരങ്ങു തകര്‍ത്ത തിരക്കുള്ള കലാകാരനായിരുന്നു അജയകുമാര്‍.
ഒരു പ്രോഗ്രാമിന് ശേഷം തിരുവനന്തപുരത്തു നിന്ന് കോട്ടയത്തേക്ക് യാത്ര ചെയ്യവേ തിരുവനന്തപുരം മുതൽ ചങ്ങനാശ്ശേരി വരെ നിന്ന് വരേണ്ടി വന്നതിനെക്കുറിച്ച്, ഗിന്നസ് പക്രു വേദനയോടെ പറയുന്നു. നല്ല തിരക്കുള്ള ബസിൽ ആരും തന്റെ ബുദ്ധിമുട്ട് മനസ്സിലാക്കി ഒരു സീറ്റ് തരാൻ പോലും മനസ്സ് കാട്ടിയില്ല എന്നും പക്രു ഓര്‍ത്തെടുക്കുന്നു.മുന്‍പൊരിക്കല്‍ ഒരു പ്രമുഖ ടിവി ചാനലിനു നല്‍കിയ അഭിമുഖത്തിലായിരുന്നു ഗിന്നസ് പക്രുവിന്റെ പ്രതികരണം.
Post Your Comments