തെന്നിന്ത്യന്‍ സിനിമാ ലോകത്തെ ലേഡി സൂപ്പര്‍സ്റ്റാര്‍ ആയി മാറിയിരിക്കുകയാണ് നയന്‍താര. തെലുങ്ക് മെഗാസ്റ്റാര്‍ ചിരഞ്ജീവി നായകനാകുന്ന സെ റാ എന്ന ചിത്രത്തിലാണ് താരം ഇപ്പോള്‍ അഭിനയിക്കുന്നത്. എന്നാല്‍ ഇപ്പോള്‍ ചിത്രത്തിന്‍റെ അണിയറക്കാര്‍ താരം കാരണം പ്രതിസന്ധിയില്‍ ആയിരിക്കുന്നുവെന്നു റിപ്പോര്‍ട്ടുകള്‍.
ചിത്രത്തിനായി നാല്പത്തിയഞ്ച് ദിവസമാണ് നയന്‍താര നല്‍കിയിരിക്കുന്നത്. നല്ലരീതിയില്‍ ഷൂട്ടിംഗ് നടക്കാത്തതില്‍ താരം അതൃപ്തി രേഖപ്പെടുത്തിഎന്നാണ് പുതിയ വിവരം. തനിക്ക് മറ്റു പല ചിത്രങ്ങളും കരാര്‍ ആയിരിക്കുന്നതിനാല്‍ ഈ ചിത്രത്തിന്‍റെ ഷൂട്ടിംഗ് വൈകുന്നത് മറ്റു ചിത്രങ്ങളെയും ബാധിക്കുമെന്ന് താരം അറിയിച്ചു.
അതുകൊണ്ട് തന്നെ നിര്‍മ്മാതാവ് സുന്ദര്‍ റെഡിയോട് ചിത്രീകരണം എത്രയും വേഗം തീര്‍ക്കണമെന്ന് ആവശ്യപ്പെട്ടിരിക്കുകയാണ് നയന്‍സ്.
Post Your Comments