സിനിമയിലെ സൂപ്പര്‍ താരങ്ങള്‍ ഇപ്പോള്‍ മിനിസ്ക്രീനിലും ചേക്കേറുകയാണ്. ബിഗ് ബോസ് പോലുള്ള ഷോകള്‍ക്ക് വലിയ ആരാധക പ്രീതിയാണ് ടെലിവിഷന്‍ പ്രേക്ഷകരില്‍ നിന്നും ലഭിക്കുന്നത്. വിജയ് ടിവിയില്‍ കമല്‍ഹസന്‍ അവതാരകനായ ബിഗ് ബോസ് രണ്ടാം സീസണിലേയ്ക്ക് കടക്കുകയാണ്. ഇത്തവണ നടി സ്നേഹ ഷോയില്‍ ഒരു മത്സരാര്‍ത്ഥിയായി എത്തുന്നുവെന്ന് വാര്‍ത്തകള്‍. എന്നാല്‍ ഈ വാര്‍ത്ത നിഷേധിച്ച്‌ രംഗത്തെത്തിയിരിയ്ക്കുകയാണ് സ്നേഹ.
”പ്രിയപ്പെട്ടവരെ, ഞാന്‍ ബിഗ് ബോസ് 2 വിന്റെ ഭാഗമാകുന്നു എന്ന വാര്‍ത്ത തീര്‍ത്തും അടിസ്ഥാന രഹിതമാണ്. പൂര്‍ണമായും ഒരു കിംവദന്തി. ഞാനെന്താണോ എങ്ങനെയാണോ അതില്‍ സംതൃപ്തയാണ്. ഇത്തരം വ്യാജ വാര്‍ത്ത പ്രസിദ്ധീകരിക്കുന്നതിന് മുന്‍പ് സത്യാവസ്ഥ എന്നെ വിളിച്ച്‌ അന്വേഷിച്ച മാധ്യമസുഹൃത്തുക്കള്‍ക്ക് നന്ദി”- സ്നേഹ പറഞ്ഞു.
ഷോയുടെ ആദ്യ ഭാഗത്ത് അവതാരകനായി സൂര്യ അരവിന്ദ് സ്വാമി തുടങ്ങിവര്‍ എത്തുമെന്നെല്ലാം വാര്‍ത്തകള്‍ വന്നിരുന്നു. എന്നാല്‍ കമല്‍ഹസനായിരുന്നു ഷോയുടെ അവതാരകനായി എത്തിയത്.
read also: ബിഗ്ബോസില്‍ മത്സരാര്‍ത്ഥികളായി ഗോവിന്ദ് പത്മ സൂര്യയും പ്രമുഖ സീരിയല്‍ നടിയും
Post Your Comments