ജെയിംസ് ബോണ്ടിന്റെ ആദ്യ നായിക അന്തരിച്ചു

ജെയിംസ് ബോണ്ട് സീരിസിലെ ആദ്യ ചിത്രം ഡോക്ടര്‍ നോയിലെ നായിക യൂനിസ് ഗെയ്‌സണ്‍ അന്തരിച്ചു. 90 വയസായിരുന്നു. 1948 മുതല്‍ അഭിനയ ലോകത്ത് സജീവമായിരുന്നുവെങ്കിലും ഈ ഹോളിവുഡ് നായിക ശ്രദ്ധിക്കപ്പെട്ടത് ജെയിംസ് ബോണ്ട് ചിത്രത്തിലൂടെയായിരുന്നു. അതുകൊണ്ട് തന്നെ ‘ജെയിംസ് ബോണ്ട് ഗേള്‍’ എന്നായിരുന്നു ഇവരെ വിശേഷിപ്പിച്ചിരുന്നത്.

1928ല്‍ സറേയില ജനിച്ച യൂനിസ് രണ്ടു വിവാഹം കഴിച്ചിരുന്നു. എന്നാല്‍ ഇവ രണ്ടും പരാജയമായതോടെ ഈകാന്ത വാസമാണ് പില്‍കാലത്ത് താരം നയിച്ചിരുന്നത്. ഡാന്‍സ് ഹാള്‍, മിസ് റോബിന്‍ ഹുഡ്, ഹലോ ലണ്ടന്‍, കൗണ്ട് ഓഫ് ട്വല്‍വ് തുടങ്ങിയവ യൂനിസ് ഗെയ്‌സന്‍ പ്രേക്ഷക ശ്രദ്ധേയ ചിത്രങ്ങളാണ്. ദ സെയ്ന്റ്, ദി അവഞ്ചേഴ്‌സ് തുടങ്ങിയ ടെലിവിഷന്‍ പരമ്പരകളിലും ഇവര്‍ വേഷമിട്ടിട്ടുണ്ട്.