ബോക്സോഫീസ് റെക്കോഡുകള്‍ അവന്‍ മുന്നേറുമോ? രജനീകാന്ത് ചിത്രം കാല പ്രദര്‍ശനത്തിനെത്തിയതോടെ ആരാധകര്‍ ആവേശത്തിലാണ്. കേരളത്തിലെ ഒട്ടുമിക്ക കേന്ദ്രങ്ങളിലും ഇന്ന് പുലര്‍ച്ചെ തന്നെ ചിത്രത്തിന്റെ ഷോ ആരംഭിച്ചിരുന്നു. മണ്‍സൂണ്‍ മാസത്തില്‍ മാസായി തലൈവര്‍ അവതരിച്ച ചിത്രം കയ്യടികളോടെയാണ് പ്രേക്ഷകര്‍ ഏറ്റുവാങ്ങിയത്, കബാലിയില്‍ ആക്ഷന്‍ സീനുകള്‍ കുറഞ്ഞു പോയെങ്കില്‍ കാല ഫുള്‍ മാസ് എന്റര്‍ടെയ്നെര്‍ ആണെന്നാണ് പൊതുവേയുള്ള റിപ്പോര്‍ട്ട്, കൂടാതെ സമകാലീന പ്രസക്തമായ മറ്റു ചില സംഭവ വികാസങ്ങളും ചിത്രം ചര്‍ച്ച ചെയ്യുന്നുണ്ട്. പാ രഞ്ജിത്തിന്റെ സംവിധാനത്തില്‍ പുറത്തിറങ്ങിയിരിക്കുന്ന ചിത്രം നിര്‍മ്മിച്ചിരിക്കുന്നത് സൂപ്പര്‍ താരം ധനുഷാണ്. മാസ് എന്നതിനപ്പുറം ഒരു റിയലിസ്റ്റിക്ക് മൂഡും ചിത്രം പ്രേക്ഷകര്‍ക്ക് സമ്മാനിക്കുന്നു, എല്ലാ അര്‍ത്ഥത്തിലും കാല കേരളത്തില്‍ കോളിളക്കം സൃഷ്ടിച്ചിരിക്കുന്നു. സ്റ്റൈല്‍ മന്നന്റെ ചിത്രം കാണാന്‍ മഴയെ അവഗണിച്ചും അതിരാവിലെ തന്നെ പ്രേക്ഷകര്‍ തിയേറ്ററിലെത്തി.
Post Your Comments