ഭാരതത്തിന്‌റെ പതിനാലാം പ്രധാനമന്ത്രിയായ നരേന്ദ്ര മോദിയുടെ ജീവിതം വെള്ളിത്തിരയിലേക്ക്.സാമൂഹിക,സാംസ്‌കാരിക രാഷ്ട്രീയ രംഗങ്ങളില്‍ വ്യക്തിമുദ്ര പതിപ്പിച്ച പ്രമുഖ വ്യക്തികളുടെ ജീവിതം സിനിമയാകുന്ന കാലഘട്ടമാണിപ്പോള്‍.ഈ അവസരത്തിലാണ് മോദിയുടെ ജീവിതവും സിനിമയാകുന്നത്. ബോളിവുഡിലാണ് സിനിമ വരുന്നത്.പ്രമുഖ ബോളിവുഡ് താരമായ പരേഷ് റാവലാണ് സിനിമ വരുന്ന വിവരം പുറത്ത് വിട്ടത്. താന്‍ തന്നെയാണ് മോദിയുടെ കഥാപാത്രത്തെ അവതരിപ്പിക്കുന്നതെന്നും തന്‌റെ അഭിനയ ജീവിതത്തിലെ ഏറ്റവും വലിയ വെല്ലുവിളിയുള്ള കഥാപാത്രമാണ് ഇതെന്നും പരേഷ് വെളിപ്പെടുത്തിയിരുന്നു.
2017ന്‌റെ ആരംഭത്തില്‍ സിനിമ വരുന്നുവെന്ന വാര്‍ത്തകള്‍ പുറത്ത് വന്നിരുന്നു. എന്നാല്‍ ഇക്കാര്യത്തില്‍ വ്യക്തതയുണ്ടായിരുന്നില്ല.ഇപ്പോള്‍ സിനിമയുടെ സ്‌ക്രിപ്റ്റ് വര്‍ക്കുകളാണ് പുരോഗമിക്കുന്നത്. ഒക്ടോബറോടു കൂടി ചിത്രീകരണം ആരംഭിക്കും. സിനിമയില്‍ പരേഷ് ഏത് ഗെറ്റപ്പില്‍ വരുമെന്ന ആകാംഷയിലാണ് രാജ്യം.1994ല്‍ സര്‍ദാര്‍ വല്ലഭായി പട്ടേലിന്‌റെ ജീവിതം സിനിമയാക്കിയപ്പോള്‍ അദ്ദേഹത്തിന്‌റെ വേഷം ചെയ്തത് പരേഷായിരുന്നു.
Post Your Comments