തമിഴ് നടന്‍ വിക്രമിന്റെ പുതിയ ചിത്രമാണ് സാമി സ്ക്വയര്‍. വിക്രമിന്റെ തന്നെ വിജയ ചിത്രം സാമിയുടെ രണ്ടാംഭാഗമാണ് ഇത്. ചിത്രത്തിന്‍റെ ആദ്യ ടീസര്‍ കഴിഞ്ഞ ദിവസം പുറത്തിറങ്ങിയിരുന്നു. ഈ ടീസറിനു ആരാധകരില്‍ നിന്നും സമ്മിശ്ര പ്രതികരണമാണ് ലഭിക്കുന്നത്.
എന്നാല്‍ ചിത്രത്തിനെതിരെ വിമര്‍ശനവുമായി എത്തിയിരിക്കുകയാണ് തെന്നിന്ത്യന്‍ നടി കസ്തൂരി. തന്റെ മകളുടെ പ്രായം പോലും ഇല്ലാത്ത നടിമാര്‍ക്കൊപ്പം പ്രണയ രംഗങ്ങളില്‍ അഭിനയിക്കുന്നതാണോ അഭിനയം? ഇത്തരം രീതികള്‍ താന്‍ ഇഷ്ടപ്പെടുന്നില്ല. അങ്ങനെ അഭിനയിക്കാന്‍ താന്‍ ഒരു പിശാചിന്റെയും മകള്‍ അല്ലെന്നും കസ്തൂരി ട്വിറ്ററില്‍ കുറിച്ചു.
എന്നാല്‍ വിക്രമിന്റെ ആരാധകര്‍ നടിയ്ക്കെതിരെ രംഗത്തെത്തിക്കഴിഞ്ഞു. പ്രായം മറന്നു ഗ്ലാമര്‍ രംഗങ്ങളില്‍ അഭിനയിച്ച നടിയാണ് കസ്തൂരിഎന്നതാണ് വിമര്‍ശനത്തിലെ പ്രധാന ആരോപണം.
വിക്രം നായകനാകുന്ന സാമിയുടെ ആദ്യ ഭാഗത്തെ നായിക തൃഷയായിരുന്നു. എന്നാല്‍ രണ്ടാം ഭാഗത്തില്‍ കീര്‍ത്തി സുരേഷാണ് നായിക. ഹരിയാണ് തിരക്കഥ.
Post Your Comments