ഹാര്‍വി വെയ്ന്‍സ്റ്റീനെതിരെ പീഡന ആരോപണവുമായി ലോകസുന്ദരി. ഹോളിവുഡ് സുന്ദരിമാര്‍ ഒന്നടങ്കം നിര്‍മ്മാതവിനെതിരെ പീഡനമാരോപിച്ച് രംഗത്തെത്തിയിരുന്നു. ഇതിന് പിന്നാലെയാണ് ഇന്ത്യന്‍ താരങ്ങളെ അടക്കം ഞെട്ടിക്കുന്ന വിവരങ്ങള്‍ പുറത്ത് വന്നത്. കഴിഞ്ഞ വര്‍ഷമായിരുന്നു വെയിന്‍സ്റ്റിന്റെ പീഡന കഥകള്‍ ലോകം ചര്‍ച്ച ചെയ്യപ്പെട്ടത്.
അതിന് കാരണം ഹോളിവുഡില്‍ നിന്നുള്ള സുന്ദരിമാരെല്ലാം ഹാര്‍വിയ്‌ക്കെതിരായി എത്തിയതായിരുന്നു. അതിന് തൊട്ടുപിന്നാലെയാണ് ഇന്ത്യയുടെ എക്കാലത്തേയും അഭിമാനമായ ലോകസുന്ദരി ഐശ്വര്യ റായിയോടും ഹാര്‍വി വെയ്ന്‍സ്റ്റീന് താല്‍പര്യം ഉണ്ടായിരുന്നതായിട്ടും ആരോപണം ഉയര്‍ന്നിരിക്കുന്നത്.
ഐശ്വര്യയുടെ ഇന്റര്‍നാഷണല്‍ ടാലന്റ് മാനേജര്‍ സിമോണ്‍ ഷെഫീല്‍ഡ് ആയിരുന്നു ഇക്കാര്യം പുറത്ത് എത്തിച്ചത്. ചലച്ചിത്രോത്സവങ്ങളിലും മറ്റും പങ്കെടുക്കാനെത്തുന്ന ഐശ്വര്യയോടും ഭര്‍ത്താവ് അഭിഷേക് ബച്ചനോടും അടുത്ത ബന്ധമായിരുന്നു ഹാര്‍വിയ്ക്കുണ്ടായിരുന്നത്. അതിനിടെ ഒരിക്കല്‍ ഐശ്വര്യയെ ഒറ്റയ്ക്ക് കാണണമെന്ന ആഗ്രഹം അദ്ദേഹം പ്രകടിപ്പിച്ചിരുന്നു. അതിന് അവസരം കൊടുക്കാതെ വന്നപ്പോള്‍ ഭീഷണിയുടെ സ്വരമായിരുന്നു കേട്ടതെന്നും പറയുന്നു.
Post Your Comments