കോഴിക്കോട് നഗരത്തെ ഭീതിയിലാഴ്ത്തുന്ന നിപ്പ വൈറസ് നിരവധി പേരുടെ ജീവനെടുത്ത് കഴിഞ്ഞു.നിപ്പ ബാധിച്ച് മരണപ്പെട്ട ബാലുശ്ശേരി സ്വദേശിയായ റസില്‍ ഭാസ്കര്‍ മോഹന്‍ലാലിന്‍റെ ജന്മദിനത്തില്‍ അദ്ദേഹത്തെക്കുറിച്ച് എഴുതിയ കുറിപ്പാണ് സോഷ്യല്‍ മീഡിയയില്‍ വൈറലാകുന്നത് ബാലുശ്ശേരി മോഹന്‍ലാല്‍ ഫാന്‍സിലെ ഏരിയ കമ്മിറ്റി അംഗമാണ് റസില്‍. റസിലിന് ആദരാഞ്ജലി അര്‍പ്പിച്ച് മോഹന്‍ലാലും രംഗത്ത് വന്നിരുന്നു.
നിപ പനി മൂലം നിര്യാതനായ എന്റെ പ്രിയ സഹോദരൻ റസിൽ ഭാസ്കറിന് ആദരാഞ്ജലികൾ
മോഹന്‍ലാല്‍ തന്റെ ഫേസ്ബുക്ക് പോസ്റ്റില്‍ കുറിച്ചു,
കഴിഞ്ഞ മാസം മേയ്21-നായിരുന്നു മോഹന്‍ലാലിന്‍റെ ജന്മദിനം. ബാലുശ്ശേരി വൃദ്ധ സദനത്തിലായിരുന്നു റസലും കൂട്ടരും ജന്മദിനം ആഘോഷിച്ചത്.
മോഹന്‍ലാലിനെക്കുറിച്ചുള്ള റസലിന്റെ പോസ്റ്റ്‌ ഇങ്ങനെ
“അഭിനയം എന്ന കല കൊണ്ട് പലരീതിയിൽ പ്രേക്ഷകരെ വിസ്മയിപ്പിച്ചിട്ടുണ്ട്. ആ കലയിൽ ഈ അവതാരത്തെ വെല്ലാൻ ഇതുവരെ ആരും പിറവി എടുത്തിട്ടില്ല ഇനിയാരും വരാനും പോകുന്നില്ല. ചിലപ്പോൾ ഇതിന് എതിർ അഭിപ്രായങ്ങൾ ഉയർന്ന് വന്നിരിക്കാം. പക്ഷെ അതൊന്നും ഈ മനുഷ്യനെ ഒരു തരത്തിലും തളർത്തിയിട്ടില്ല. കോടികണക്കിന് അനിയന്മാരുടെയും അനിയത്തിമാരുടെയും ഒരേ ഒരു ഏട്ടൻ ലാലേട്ടൻ”.
Post Your Comments