ജയസൂര്യ നായകനാവുന്ന ഞാന്‍ മേരിക്കുട്ടി എന്ന ചിത്രത്തിന്റെ ട്രെയിലറും മറ്റു വീഡിയോകളും കണ്ടപ്പോള്‍ ജീവിതത്തില്‍ സംഭവിച്ച കാര്യങ്ങള്‍ ഒരു കണ്ണാടിയിലെന്ന പോലെ കാണാന്‍ കഴിഞ്ഞുവെന്നു നടിയും ട്രാന്‍സ് വുമണുമായ അഞ്ജലി അമീര്‍. തന്റെ ഫേസ്ബുക്ക് പോസ്റ്റിലൂടെയാണ് അഞ്ജലി ചിത്രത്തെക്കുറിച്ച് അഭിപ്രായപ്പെട്ടത്. മമ്മൂട്ടി പ്രധാനവേഷത്തിലെത്തുന്ന തമിഴ് ചിത്രം പേരമ്പിലെ നായികയാണ് അഞ്ജലി.
അഞ്ജലിയുടെ കുറിപ്പ്
മേരിക്കുട്ടിയിലെ വീഡിയോ കണ്ടപ്പോ അറിയാതെ എന്റെ കണ്ണ് നിറഞ്ഞു. ഞങ്ങളോരുത്തരുടെയും ജീവിതത്തില്‍ സംഭവിച്ച കാര്യങ്ങള്‍ ഒരു കണ്ണാടിയിലെന്ന പോലെ കാണാന്‍ കഴിഞ്ഞു. എന്തോ ജയേട്ടനോട് ഇഷ്ടം ഒരു പാട് കൂടി ഒപ്പം രഞ്ജിത്തേട്ടനോടും… ഒത്തിരി ആകാംക്ഷയോടെ കാത്തിരിക്കുന്നു ജൂണ്‍ 15 നായ്. എന്റെ എല്ലാ വിധ ആശംസകളും മേരിക്കുട്ടിയുടെ എല്ലാ ക്രൂവിനും- അഞ്ജലി കുറിച്ചു.
രഞ്ജിത്ത് ശങ്കര്‍ ഒരുക്കുന്ന ചിത്രമാണ് ഞാന്‍ മേരിക്കുട്ടി.
read more: മല്ലിക സുകുമാരനെ പരിഹസിച്ചവര്‍ക്ക് നടി അഞ്ജലിയുടെ കിടിലന്‍ മറുപടി
Post Your Comments