തെന്നിന്ത്യ കീഴടക്കുകയാണ് നടി കീര്‍ത്തി സുരേഷ്. ബാലതാരമായി സിനിമയില്‍ എത്തിയ കീര്‍ത്തി സൂപ്പര്‍താര ചിത്രങ്ങളില്‍ നായികയായി തിളങ്ങുകയുമാണ്. മലയാളത്തില്‍ അത്ര സജീവമല്ലാത്ത കീര്‍ത്തിയ്ക്ക് മറ്റു തെന്നിന്ത്യന്‍ ഭാഷകളില്‍ മികച്ച അവസരങ്ങളാണ് ലഭിക്കുന്നത്. തെലുങ്ക് നടി സാവിത്രിയുടെ ജീവിതം ആവിഷ്കരിച്ച മഹാനടിയിലെ അഭിനയത്തിന് മികച്ച പ്രതികരണമാണ് താരത്തിനു ലഭിക്കുന്നത്. നടി കീര്‍ത്തിയുടെ മികച്ച അഭിനയത്തെക്കുറിച്ച് പറയുകയാണ് നടി പ്രവീണ. മഹാനടിയിലെ അഭിനയം കണ്ട് അതിശയിച്ചുപോയെന്നും ഇത്ര ചെറുപ്പത്തിൽ അത്രയും ശക്തമായ കഥാപാത്രത്തെ അവതരിപ്പിച്ച കീർത്തിയെ എത്ര അഭിനന്ദിച്ചാലും മതിയാകില്ലെന്നും പ്രവീണ പറയുന്നു.
പ്രവീണയുടെ വാക്കുകള്‍ ഇങ്ങനെ ‘ചെറുപ്പം മുതലെ കണ്ടുവളർന്ന കുട്ടിയാണ് കീർത്തി. അവൾ എത്ര ഉയരത്തിലെത്തിയിരിക്കുന്നു. നല്ല സംവിധായകൻ, ശക്തമായ തിരക്കഥ, മികച്ച കഥാപാത്രം ഇവയൊക്കെ ലഭിക്കുമ്പോഴാണ് നമുക്കും മികച്ച പ്രകടനം പുറത്തെടുക്കാനാകുക. ഇതെല്ലാം കിട്ടിയാലും കഠിനാദ്ധ്വാനവും ആത്മസമർപ്പണവുമൊക്കെ വിജയത്തിന്റെ ഘടകങ്ങളാണ്. ആ പെണ്‍കുട്ടി ഇങ്ങനെയൊക്കെ അഭിനയിക്കുമോ എന്ന് പോലും ചിന്തിച്ചുപോയി.’
Post Your Comments