തന്റെ പുതിയ മോഹന്‍ലാല്‍ ചിത്രം പ്രഖ്യാപിച്ച സംവിധായകന്‍ മേജര്‍ രവിയ്ക്ക് നേരെ ട്രോള്‍ പൂരം. മോഹന്‍ലാലുമൊത്ത് ആറാം തമ്പുരാന്‍ പോലെയൊരു ചിത്രം ഒരുക്കുമെന്ന് ഫെയ്‌സ്ബുക് ലൈവിലൂടെ വെളിപ്പെടുത്തിയ മേജര്‍ രവിയെ കണക്കറ്റ് പരിഹസിക്കുകയാണ് സോഷ്യല്‍ മീഡിയ. നാടന്‍ പശ്ചാത്തലത്തിലൊരുക്കുന്ന മാസ് ചിത്രമായിരിക്കും ഇതെന്ന് അദ്ദേഹം വ്യക്തമാക്കിയിരുന്നു. മേജര്‍ രവിയെക്കുറിച്ചും പുതിയ ചിത്രത്തെക്കുറിച്ചുമുള്ള ട്രോളുകള്‍ സോഷ്യല്‍മീഡിയയില്‍ വൈറലാകുകയാണ്.
കീർത്തിചക്ര, കുരുക്ഷേത്ര, കാണ്ഡഹാർ തുടങ്ങിയ ചിത്രങ്ങള്‍ക്കായി മോഹന്‍ലാലും മേജര്‍ രവിയും മുന്പ് ഒന്നിച്ചിട്ടുണ്ട്. മോഹന്‍ലാലിനെ നായകനാക്കി പ്രിയദര്‍ശന്‍ ഒരുക്കുന്ന ബിഗ് ബജറ്റ് ചിത്രം മരക്കാര്‍ അറബിക്കടലിന്റെ സിംഹത്തില്‍ സംവിധാന സഹായിയായി താനുണ്ടാകുമെന്നും മേജര്‍ രവി അറിയിച്ചിട്ടുണ്ട്. ഈ ചിത്രം കഴിഞ്ഞാകും പുതിയ സിനിമയെന്നും അദ്ദേഹം വ്യക്തമാക്കി.
Post Your Comments