വിവാദങ്ങളുടെ തോഴനാണ് തമിഴ് നടന്‍ ചിമ്പു. ഇപ്പോഴും വാര്‍ത്തകളില്‍ നിറഞ്ഞു നില്‍ക്കുന്ന താരം ഒരു ഷോയില്‍ മനസ്സും കണ്ണും നിറഞ്ഞു നില്‍ക്കുന്ന ചിത്രമാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ച.
സീ തമിഴ് ചാനലിലെ ഡാന്‍സ് ജോഡി ഡാന്‍സ് ഷോയുടെ ഗ്രാന്റ് ഫിനാലെയില്‍ അതിഥിയായിരുന്നു താരം. ഷോയില്‍ സിമ്പുവിന്റെ കണ്ണുകളെ ഈറനണിയിച്ചത് ഒരു കൊച്ചുപെണ്‍കുട്ടിയുടെ സാന്നിധ്യമായിരുന്നു.
സംസാരശേഷി നഷ്ടപ്പെട്ട ഒരു കുട്ടിയുടെ ചികില്‍സാ ചെലവ് കുറച്ചു നാളുകളായി താരം ഏറ്റെടുത്തിരുന്നു. നേരില്‍ കണ്ടിട്ടില്ലാത്ത കുട്ടിയുടെ വിവരം ഒരു ആരാധകന് മുഖേന അറിഞ്ഞ ചിമ്പു ആ കുട്ടിയെ സഹായിക്കാന്‍ മനസ്സു കാണിക്കുകയായിരുന്നു. എന്നാല്‍ ഏറെ അപ്രതീക്ഷിതമായി ആ പെണ്‍കുട്ടിയെ ഷോയില്‍ എത്തിച്ച്‌ അണിയറപ്രവര്‍ത്തകര്‍ താരത്തെ ഞെട്ടിച്ചു. സംസാരശേഷി വീണ്ടെടുത്ത കുട്ടിചിമ്പുവിനെ പേര് ചൊല്ലി വിളിക്കുകയായിരുന്നു. ഇത് കേട്ട നടന്‍ പൊട്ടിക്കരഞ്ഞുപോയി.
മണിരത്‌നത്തിന്റെ സെക്ക സിവന്ത വാനമാണ് ചിമ്പുവിന്റെ പുതിയ ചിത്രം.
Post Your Comments