കളിയാക്കപ്പെട്ടവരും അവഗണിക്കപ്പെട്ടവരും ജീവിതത്തില്‍ വിജയിച്ചിട്ടേയുള്ളുവെന്ന് സംഗീത സംവിധായകനും ഗായകനുമായ രാഹുല്‍ രാജ്. ബിജെപിയുടെ സംസ്ഥാന അധ്യക്ഷനായിരുന്ന കുമ്മനം രാജശേഖരനെ മിസോറാം ഗവര്‍ണറായി തെരഞ്ഞെടുത്ത സാഹചര്യത്തിലാണ് രാഹുല്‍ രാജ് ഇങ്ങനെയൊരു അഭിപ്രായ പ്രകടനം നടത്തിയത്. ‘ഒരുപാട് കളിയാക്കലുകള്‍ സഹിച്ചവരും അവഗണന നേരിട്ടവരും ജീവിതത്തില്‍ വലിയ വിജയങ്ങള്‍ നേടിയിട്ടുണ്ട്. അതാണ് പ്രപഞ്ച സത്യം.’ രാഹുല്‍ രാജ് കുറിച്ചു.
ട്രോളുകളിലെ സജീവ സാന്നിധ്യമായ കുമ്മനത്തിന് ഗവര്‍ണര്‍ സ്ഥാനം കൂടി ലഭിച്ചതോടെ സമൂഹമാധ്യമങ്ങളില്‍ ട്രോള്‍ വീണ്ടും കുമ്മനത്തെക്കുറിച്ചുള്ള പൂരമായി. ഇതിനെല്ലാമിടയിലാണ് കുമ്മനത്തെ അഭിനന്ദിച്ച് രാഹുല്‍ രാജ് രംഗത്തെത്തിയത്. ഫേസ്ബുക്കിലൂടെയായിരുന്നു രാഹുലിന്റെ പ്രതികരണം. രാഹുല്‍ പറഞ്ഞത് നൂറ് ശതമാനം സത്യമാണെന്നും സമൂഹത്തിന്റെ അവഗണനകളും അനാവശ്യ പരിഹാസങ്ങളും ഏറ്റുവാങ്ങിയിട്ടുള്ളവര്‍ക്ക് ജീവിതത്തില്‍ ഉയരങ്ങള്‍ കീഴടക്കാന്‍ സാധിക്കുക തന്നെ ചെയ്യുമെന്നും ആളുകള്‍ പ്രതികരിച്ചു.
Post Your Comments