ഹൊറര്‍ ചിത്രങ്ങള്‍ ഒരുകാലത്ത് വലിയ ജനപ്രീതി ആര്‍ജിച്ചിരുന്നു. ഭാര്‍ഗവീനിലയം മുതല്‍ ലിസ, ആകാശഗംഗ, വെള്ളി നക്ഷത്രം തുടങ്ങി നിരവധി ചിത്രങ്ങള്‍ ആ ഗണത്തിലുണ്ട്. മലയാളത്തിലെ മികച്ച ഹൊറര്‍ ചിത്രം ലിസ കൂടുതൽ സാങ്കേതിക മികവോടെ വീണ്ടും തിരിച്ചുവരുന്നു. 1978ല്‍ പുറത്തിറങ്ങിയ ലിസ നല്‍കിയ വിജയപ്രതീക്ഷയില്‍ അണിയറപ്രവര്‍ത്തകര്‍ രണ്ടാം ഭാഗമായ ‘വീണ്ടും ലിസ’ പുറത്തിറക്കിയിരുന്നു. എന്നാല്‍ ആദ്യഭാഗവുമായി യാതൊരു ബന്ധമില്ലായിരുന്നു വെങ്കിലും ഈ ചിത്രവും വിജയം തന്നെയായിരുന്നു. ഇപ്പോള്‍ വര്‍ഷങ്ങള്‍ക്ക് ശേഷം ലിസ വീണ്ടുമെത്തുകയാണ്.
ലിസ എന്ന പേരില്‍ ഒരു ത്രീഡി ഹൊറര്‍ ചിത്രം ഒരുങ്ങുകയാണ്. ഛായാഗ്രഹകനും, സംവിധായകനുമായ പി.ജി മുത്തയ്യ നിര്‍മ്മിക്കുന്ന ചിത്രം പുതുമുഖ സംവിധായകനായ രാജു വിശ്വനാഥാണ് സംവിധാനം ചെയ്യുന്നത്. ചിത്രത്തിലെ കേന്ദ്രകഥാപാത്രത്തെ അവതരിപ്പിക്കുന്നത് യുവനടി അഞ്ജലിയാണ്. എന്നാല്‍ ഈ ലിസയ്ക്ക് പഴയ ലിസയുമായി യാതൊരു സാമ്യവുമില്ല.
Post Your Comments