ദേശീയ അവാര്‍ഡ്‌ ആയാലും സംസ്ഥാന അവാര്‍ഡ്‌ ആയാലും വലിയ പ്രാധാന്യം കൊടുക്കാറില്ലെന്ന് എഴുത്തുകാരനും നടനുമായ മുരളി ഗോപി. പക്ഷെ ഈ വര്‍ഷത്തെ സംസ്ഥാന അവാര്‍ഡ്‌ നിര്‍ണയത്തില്‍ സന്തോഷമുണ്ടെന്നു മുരളി ഗോപി പറയുന്നു, നടന്‍ ഇന്ദ്രന്‍സിനെ മികച്ച നടനായി തെരഞ്ഞെടുത്തത് തനിക്ക് ഏറെ സന്തോഷം നല്‍കിയെന്നും വളരെ ഫ്ലെക്സിബിളായി അഭിനയിക്കാന്‍ കഴിയുന്ന ഒരു കലാകാരനാണ് അദ്ദേഹമെന്നും മുരളി ഗോപി പറയുന്നു, അതിലുപരി നല്ലൊരു മനുഷ്യനാണ് ഇന്ദ്രന്‍സ്, ഇന്നത്തെ കാലത്ത് ഇത്രയും ശുദ്ധനായ ഒരാളെ കണ്ടു കിട്ടാന്‍ പ്രയാസമാണെന്നും മുരളി ഗോപി കൂട്ടിച്ചേര്‍ത്തു.
മുരളി ഗോപി തിരക്കഥ നിര്‍വഹിച്ച കമ്മാരസംഭവം എന്ന ചിത്രത്തില്‍ ഇന്ദ്രന്‍സ് വളരെ രസകരമായ ഒരു കഥാപാത്രത്തെ അവതരിപ്പിച്ച് കയ്യടി നേടുന്നുണ്ട്, ഇനിയും തന്റെ സിനിമകളില്‍ ഇന്ദ്രന്‍സിനെ പങ്കെടുപ്പിക്കാന്‍ ഏറെ ആഗ്രഹമുണ്ടെന്നും ഒരു മാധ്യമത്തിനു നല്‍കിയ അഭിമുഖത്തില്‍ മുരളി ഗോപി വ്യക്തമാക്കി.
Post Your Comments