ബോളിവുഡിലെ രണ്ടു സൂപ്പര്‍ താരങ്ങളാണ് സല്‍മാനും സഞ്ജയ്‌ ദത്തും. ഇരുവരുടെയും ജീവിതത്തിലും ചില സാമ്യതകള്‍ കാണാം. സഞ്ജയ്‌ ദത്തിന്റെ ജീവിതം അണിയറയില്‍ ഒരുങ്ങുകയാണ്. റണ്‍ബീര്‍ ആണ് സഞ്ജയ്‌ ആയി വേഷമിടുന്നത്.
രാജ്കുമാര്‍ ഹിരാനി ഒരുക്കുന്ന ഈ ചിത്രത്തില്‍ സഞ്ജയുടെ ജീവിതത്തിലെ പല ഏടുകളും അതുപോലെ ആവിഷ്കരിക്കപ്പെടുന്നുണ്ട് എന്നാണു പുറത്തു വരുന്ന വിവരം. സൂചനകള്‍ പ്രകാരം സഞ്ജയ്‌ -സല്‍മാന്‍ ബന്ധത്തിലെ പ്രശ്നങ്ങളും ചിത്രത്തില്‍ വിഷയമാകും.
വിവാദങ്ങള്‍ അവസാനിച്ചു; നീണ്ട 25 വര്‍ഷങ്ങള്‍ക്ക് ശേഷം പ്രണയ ജോഡികള്‍ ഒന്നിക്കുന്നു!!
സല്‍മാനും സഞ്ജയും മികച്ച സുഹൃത്തുക്കള്‍ ആയിരുന്നു. സഞ്ജയ്‌ ഒരു കേസില്‍ അഞ്ചു വര്‍ഷത്തെ ജയില്‍ ശിക്ഷ അനുഭവിച്ചിരുന്നു. പുറത്തെത്തിയപ്പോള്‍ ആകെ നിരാശനായിരുന്ന സഞ്ജയ്ക്ക് ഒരു മാനേജരെയാണ് ആവശ്യമെന്നും അതിനായി രേഷ്മയെ പരിചയപ്പെടുത്തിക്കൊടുക്കുകയും ചെയ്തത് സല്മാനാണ്. മാനേജരെ വച്ചിട്ടും ആവശ്യമായ ചാന്‍സുകള്‍ സിനിമയില്‍ സഞ്ജയ്ക്ക് ലഭിച്ചിരുന്നില്ല. അതിനു കാരണം രേഷ്മയാണെന്ന് സഞ്ജയ്‌ തിരിച്ചറിഞ്ഞിരുന്നു.
സഞ്ജയുടെ ഫീസ്‌ വളരെയധികം ഉയര്‍ത്തിയാണ് രേഷ്മ കാണിച്ചിരുന്നത്. അതുകൊണ്ട് തന്നെ പ്രതിഫലം കുറഞ്ഞ മറ്റു താരങ്ങളെ തേടി സംവിധായകര്‍ പോകുകയും ചെയ്തു. ഇത് തിരിച്ചറിഞ്ഞ സഞ്ജയ്‌ രേഷ്മയെ വേണ്ടെന്നുവച്ചു. അത് തനിക്ക് ഒരു അപമാനമാണെന്ന് കരുതിയ സല്‍മാന്‍ ഇതിനെ ചോദ്യം ചെയ്തു. ഈ വിഷയത്തില്‍ തര്‍ക്കത്തിലായ സഞ്ജയ്‌ സല്‍മാന്റെ കരണത്തടിച്ചു. ഈ വിഷയം അതുപോലെ സിനിമയിലും ഉണ്ടെന്നാണ് സൂചന.
Post Your Comments