കൃഷ്ണ മൃഗത്തെ വെടിവച്ച കേസില്‍ ജയില്‍ ശിക്ഷ നേടിയ താരമാണ് സല്മാന്. മാന്‍ വേട്ടയെക്കുറിച്ച് ആരെങ്കിലും ചോദിക്കുന്നത് സല്മാന് അത്ര തൃപ്തിയുള്ള കാര്യമല്ല. തന്റെ പുതിയ ചിത്രമായ റേസ് 3 ന്റെ ട്രെയിലര്‍ ലോഞ്ചിനിടെ ഇതിനെക്കുറിച്ച് ചോദിച്ച മാധ്യമ പ്രവര്‍ത്തകനു സല്മാന് കൊടുത്ത മറുപടി അതിനു തെളിവാണ്.
റേസ് 3യുടെ ചിത്രീകരണ സമയത്ത് മാന്‍വേട്ട കേസിലെ കോടതിവിധി സല്‍മാനെ ഏതെങ്കിലും വിധത്തില്‍ സമ്മര്‍ദ്ദത്തിലാക്കിയിരുന്നോ എന്നായിരുന്നു മാധ്യമ പ്രവര്‍ത്തകന്റെ ചോദ്യം. എന്നാല്‍ തന്റെ അസംതൃപ്തി പ്രകടമാക്കിക്കൊണ്ട് തന്നെ മറുപടി പറഞ്ഞിരിക്കുകയാണ് സല്മാന്. ഞാന്‍ എന്നെന്നേക്കുമായി അകത്ത് പോകുമെന്നാണോ നിങ്ങള്‍ കരുതിയത്? എന്നായിരുന്നു മാധ്യമപ്രവര്‍ത്തകനോടുള്ള താരത്തിന്റെ മറുചോദ്യം. ഇതിന് ഇല്ല എന്ന് മറുപടി നല്‍കിയതോടെ നന്ദിയുണ്ടെന്നും ഞാന്‍ വിഷമിച്ചിരിക്കുകയായിരുന്നുവെന്നും സല്മാന് പറഞ്ഞു. പരിപാടിയുടെ വീഡിയോ സമൂഹ മാധ്യമങ്ങളില്‍ വൈറലായതോടെ സല്മാന് ഖാനെ വിമര്‍ശിച്ച്‌ നിരവധിപേര്‍ രംഗത്തെത്തിക്കഴിഞ്ഞു.
Post Your Comments