മലയാളികളുടെ മനസ്സില്‍ എന്നും മായാതെ നില്‍ക്കുന്ന ഒരു ഭരതന്‍ ചിത്രമാണ് താഴ്വാരം. തൊണ്ണൂറുകളില്‍ മലയാള സിനിമയില്‍ വ്യത്യസ്തമായ ആവിഷ്കാര ശൈലിയിലൂടെ തന്റേതായ ഇടം നേടിയ സംവിധായകന്‍ ഭരതനും എം ടി വാസുദേവന്‍ നായരും ഒന്നിച്ച ചിത്രമാണ് താഴ്വാരം. രണ്ട് പഴയകാല സുഹൃത്തുക്കൾക്കിടയിലെ പ്രതികാരമാണ് ചിത്രത്തിന്‍റെ പ്രമേയം. മോഹന്‍ലാല്‍ പ്രധാന കഥാപാത്രത്തെ അവതരിപ്പിച്ച ഈ ചിത്രത്തിലൂടെ മലയാളികളുടെ മനസ്സില്‍ ഇടാന്‍ നേടിയ നടനാണ്‌ അതിലെ വില്ലന്‍ വേഷത്തില്‍ എത്തിയ സലീം ഘൗസ്.
നാടക നടനും ആയോധനകലാ വിദഗ്ദ്ധനുമായ സലീം ഘൗസ് തമിഴ്, ഹിന്ദി സിനിമകളിൽ ആണ് കൂടുതലും അഭിനയിച്ചിട്ടുള്ളത്. എന്നാല്‍ ഈ നടനെ മലയാളത്തില്‍ പിന്നെ കണ്ടത് ഉടയോൻ എന്ന മോഹൻ ലാൽ ചിത്രത്തില്‍ മാത്രമാണ്. രാജുവെന്ന വില്ലനായി താഴ്വാരത്തില്‍ തിളങ്ങിയ ഈ നടന്‍ ഇപ്പോള്‍ എവിടെയാണ്?
സിനിമകളിൽ നിരവധി അവസരങ്ങൾ തന്നെ തേടി വരുന്നുണ്ടെങ്കിലും നാടകം വിട്ടൊരു തീരുമാനമില്ലെന്നു ഉറപ്പിച്ചു പറയുന്ന നടനാണ്‌ സലിം. തനിക്ക് കിട്ടുന്ന 10 ചിത്രങ്ങളിൽ ഒന്ന് മാത്രമേ താൻ സ്വീകരിക്കുവെന്നും തന്റെ ജീവിത ചിലവുകൾ ബുദ്ധിമുട്ടില്ലാതെ കടന്ന് പോകാനുള്ള കാശ് നേടാന്‍ മാത്രമാണ് ഇതെന്നും നടന്‍ ഒരു അഭിമുഖത്തില്‍ പറയുന്നു. ‘അധികം ആർഭാടങ്ങളിൽ ഒന്നും വിശ്വസിക്കാത്ത വെറും സാധാരണക്കാരനായി ജീവിക്കാൻ ആഗ്രഹിക്കുന്ന ഒരാളാണ് ഞാൻ’ അദ്ദേഹം പറയുന്നു.
Post Your Comments