കഴിഞ്ഞ രണ്ടു ദിവസമായി സമൂഹ മാധ്യമങ്ങളില്‍ നടന്‍ ഇന്ദര്‍ കുമാറിന്റെ ആത്മഹത്യാ വീഡിയോ എന്ന പേരില്‍ ഒരു വീഡിയോ പ്രചരിക്കുന്നുണ്ട്. നടൻ മദ്യം കഴിക്കുന്നതും ആത്മഹത്യയെക്കുറിച്ചും പറയുന്നതുമായ വീഡിയോയാണ് പ്രചരിക്കുന്നത്. എന്നാല്‍ ഈ വീഡിയോ വ്യാജമാണെന്ന വിശദീകരണവുമായി ഭാര്യ പല്ലവി സറഫ് രംഗത്ത്.
കഴിഞ്ഞ വര്‍ഷം ജൂലായില്‍ ആയിരുന്നു നടന്‍ ഇന്ദര്‍ കുമാര്‍ അന്തരിച്ചത്. ഹൃദയാഘാതമായിരുന്നു മരണകാരണം. എന്നാല്‍ നടന്റെ മരണവുമായി ബന്ധപ്പെട്ട് നിരവധി വാര്‍ത്തകള്‍ പുറത്തു വന്നിരുന്നു. അതുകൊണ്ട് തന്നെ നടന്റെ ആത്മഹത്യ വീഡിയോ എന്ന പേരില്‍ പ്രചരിച്ച വീഡിയോ സമൂഹ മാധ്യമങ്ങളില്‍ വൈറലായി. ഇതിനെ തുടര്‍ന്ന് ഭാര്യ രംഗത്തെത്തി.
ഈ വീഡിയോ ഭാട്ടി പാഡി ഹെ യാർ എന്ന സിനിമയിലെ ഒരു രംഗമാണെന്നും കഴിഞ്ഞ വർഷം ചിത്രീകരണം പൂർത്തിയായ സിനിമയാണ് ഇതെന്നും അവര്‍ പറഞ്ഞു. അടുത്ത വര്‍ഷം തിയറ്ററില്‍ എത്തുന്ന ചിത്രത്തിന്‍റെ പബ്ലിസിറ്റിയ്ക്കായി വീഡിയോ പുറത്തു വിട്ടതാണെന്നും അല്ലാതെ നടന്റെ ആത്മഹത്യയെ സംബന്ധിച്ചുള്ളത് അല്ലായെന്നും പല്ലവി വ്യക്തമാക്കി.
ആ സീരിയലില്‍ നിന്നും അവന്തിക പിന്മാറാന്‍ കാരണം ഇതാണ്
Post Your Comments