മാതൃദിനത്തില്‍ പിറന്നാളാഘോഷിച്ച സണ്ണി ലിയോണ്‍ പറഞ്ഞത്

മാതൃ ദിനമായ മെയ് 13ന് 37ാം പിറന്നാളാഘോഷിക്കുകയായിരുന്നു ബോളിവുഡ് സുന്ദരി സണ്ണി ലിയോണ്‍. പിറന്നാള്‍ എന്നതിലുപരി മാതൃ ദിനം എന്നതിന് പ്രാധാനം നല്‍കി തന്നെയായിരുന്നു സണ്ണിയുടെയും ഭര്‍ത്താവ് ഡാനിയല്‍ വെബറിന്‌റെയും ആഘോഷം. മൂന്ന് മക്കളുള്ള കുടുംബമാണ് ഇപ്പോള്‍ സണ്ണിയുടേത്. ഏറെ നാള്‍ കുഞ്ഞുങ്ങളില്ലാതിരുന്ന ഇവര്‍ മഹാരാഷ്ട്രയില്‍ നിന്നും 21 മാസം പ്രായമായ നിഷ എന്ന കുട്ടിയെ ദത്തെടുത്തിരുന്നു. ഇത് വാര്‍ത്തകളിലും ഏറെ ഇടം പിടിച്ചു.

ഇതിനു ശേഷം 2018ല്‍ വാടക ഗര്‍ഭപാത്രം വഴി ഈ ദമ്പതികള്‍ക്ക് ഇരട്ട കുട്ടികള്‍ ജനിച്ചിരുന്നു. നേഹ സിങ് വെബര്‍, അഷര്‍ സിങ് വെബര്‍ എന്നിങ്ങനെയാണ് കുട്ടികളുടെ പേര്. കുഞ്ഞുങ്ങളോടും ഭര്‍ത്താവിനുമൊപ്പം കുടുംബ ജീവിതത്തില്‍ ഞാന്‍ ഏറെ സന്തോഷവതിയാണെന്നും പുതിയ അതിഥികള്‍ എത്തിച്ചേര്‍ന്നതോടെയുമാണ് വീട് പൂര്‍ണമായതെന്നും സണ്ണി വെളിപ്പെടുത്തിയിരുന്നു.