വിവാഹത്തോടെ നടിമാര്‍ സിനിമ ഉപേക്ഷിക്കുന്നത് പതിവ് കാഴ്ചയാണ്. കുടുംബം കുഞ്ഞുങ്ങള്‍ തുടങ്ങിയ ഘടകങ്ങള്‍ ഈ നടിമാരെ സിനിമയിലേയ്ക്ക് തിരികെ എത്തുന്നത്തിനു ചില തടസ്സം ആകാറുണ്ട്. എന്നാല്‍ നീണ്ട ഇടവേളയ്ക്ക് ശേഷമോ, വിവാഹ മോചനത്തിനു ശേഷമോ ചില താരങ്ങള്‍ സിനിമസയില്‍ തിരിച്ചെത്താറുണ്ട്. ഇപ്പോള്‍ നീണ്ട ഇടവേളയ്ക്ക് വിരാമമിട്ടുകൊണ്ട് സൂപ്പര്‍താരങ്ങളുടെ ഒരു നായിക കൂടി തിരിച്ചെത്തുന്നു.
ലാല്‍ ജോസ് മലയാള സിനിമയ്ക്ക് പരിചയപ്പെടുത്തിയ നടിയാണ് സംവൃത സുനില്‍. ദിലീപ് നായകനായി എത്തിയ രസികന്‍ എന്ന ചിത്രത്തിലൂടെ അഭിനയ രംഗത്തേയ്ക്ക് എത്തിയ സംവൃത സൂപ്പര്‍താരങ്ങളുടെ നായികയായി മികച്ച പല ചിത്രങ്ങളിലും എത്തിയിരുന്നു. നീണ്ട മുടിയും വിടര്‍ന്ന കണ്ണുകളുമുള്ള ഈ നടി സിനിമയില്‍ തിളങ്ങി നിന്ന സമയത്താണ് അഖിലുമായുള്ള വിവാഹം. വിവാഹത്തിനു ശേഷം അമേരിക്കയില്‍ സെറ്റിലായ താരം മകനുമൊപ്പം നല്ലൊരു ജീവിതം നയിക്കുകയാണ്. എന്നാല്‍ ഇതിനിടയില്‍ ചില അസ്വാരസ്യങ്ങളെ തുടര്‍ന്ന് താരം വിവാഹ മോചനത്തിന് ശ്രമിക്കുന്നുവെന്നും വ്യാജ വാര്‍ത്ത പ്രചരിച്ചിരുന്നു. സിനിമയില്‍ നടി തിരിച്ചെത്തുന്നത് എപ്പോഴെന്നു പലപ്പോഴും ആരാധകര്‍ തിരക്കിയിരുന്നു.
ഇപ്പോള്‍ താരം തിരിച്ചെത്തുകയാണ്. എന്നാല്‍ സിനിമയിലെയ്ക്കല്ല. മിനിസ്ക്രീനിലൂടെയാണ് സംവൃത തന്റെ തിരിച്ചുവരവ് നടത്തുന്നത്. മഴവില്‍ മനോരമ ഒരുക്കുന്ന ഒരു നായികാനായകന്‍ എന്ന പരിപാടിയിലൂടെയാണ് സംവൃത വീണ്ടുമെത്തുന്നത്.
Post Your Comments