അഞ്ചു വര്‍ഷത്തിനു ശേഷം ഭാഗ്യനായികയ്ക്കൊപ്പം അജിത്ത്!!

വീണ്ടും ‘തല’-ശിവ കൂട്ടുകെട്ട്. വീരം എന്ന ചിത്രത്തിന് ശേഷം വേതാളം, വിവേകം എന്നീ ചിത്രങ്ങളുമായി തെന്നിന്ത്യന്‍ താരം അജിത്തും ശിവയും എത്തിയിരുന്നു. എന്നാല്‍ ഈ ചിത്രങ്ങള്‍ അത്രവിജയമായിരുന്നില്ല. എന്നാല്‍ ആ പരാജയങ്ങളെ മാറ്റി നിര്‍ത്തിക്കൊണ്ട് ഇരുവരും വീണ്ടും ഒന്നിക്കുന്ന ചിത്രമാണ് വിശ്വാസം. സിനിമയുടെ ചിത്രീകരണത്തിന് ഹൈദരാബാദില്‍ ഇന്ന് തുടക്കമാവും.

ഹൈദരാബാദ് യാത്രയ്ക്കിടെ എയര്‍പോര്‍ട്ടില്‍ നിന്നുള്ള അജിത്തിന്‍റെ ചിത്രം ട്വിറ്ററില്‍ പ്രചരിക്കുന്നുണ്ട്. ഒപ്പം സംഗീതസംവിധായകന്‍ എസ്.തമന്‍ അജിത്തിനൊപ്പമെടുത്ത സെല്‍ഫിയും. ഇരുചിത്രങ്ങളിലും താടി നീട്ടിയ ഗെറ്റപ്പിലാണ് അജിത്ത്.

അജിത്ത് ബോക്സ്ഓഫീസ് വിജയത്തിലേക്ക് തിരിച്ചെത്തുമെന്ന് കരുതപ്പെടുന്ന ചിത്രമാണ് വിശ്വാസം.  അജിത്തിനൊപ്പം അഞ്ച് വര്‍ഷത്തിന് ശേഷം നയന്‍താര ഒരുമിച്ചെത്തുന്ന ചിത്രം കൂടിയാണ്. 2013ലെത്തിയ ആരംഭത്തിലാണ് ഇരുവരും ഇതിനുമുന്‍പ് ഒന്നിച്ചത്.

#Ajith is in #Hyderabad, as shoot of @SathyaJyothi_ #Viswasam directed by @directorsiva starts from May 7. pic.twitter.com/x0oIpzFEoZ

— Sreedhar Pillai (@sri50) May 6, 2018