നടന്‍ പൃഥ്വിരാജ് ആദ്യമായി സംവാധായകനാകുന്ന മോഹന്‍ലാല്‍ ചിത്രം ലൂസിഫറിന്‌റെ വരവിനായി കാത്തിരിക്കുകയാണ് സിനിമാ പ്രേമികള്‍. നടന്‍ മുരളി ഗോപി തിരക്കഥ തയാറാക്കുന്ന ചിത്രത്തില്‍ ആരാകും നായികയെന്ന ആകാംഷയിലാണ് സിനിമാ ലോകം.
മലയാളത്തിന്റെ ലേഡി സൂപ്പര്‍ സ്റ്റാര്‍ മഞ്ജു വാര്യര്‍ ചിത്രത്തില്‍ മോഹന്‍ലാലിനൊപ്പം എത്തുമെന്ന് വാര്‍ത്തകള്‍ പ്രചരിച്ചിരുന്നു. എന്നാല്‍ ഇക്കാര്യത്തില്‍ സ്ഥിരീകരണമായിട്ടില്ല. എന്നാല്‍ റിപ്പോര്‍ട്ടുകള്‍ വാസ്തവമുള്ളതാണെങ്കില്‍ ചിത്രത്തില്‍ മോഹന്‍ലാലിനൊപ്പം മഞ്ജു വാര്യരും പൃഥ്വിരാജും സ്‌ക്രീനില്‍ എത്തും. ആശീര്‍വാദ് സിനിമാസിന്‌റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മ്മിക്കുന്നത്. മാര്‍ച്ച് അവസാനത്തോടെ ചിത്രത്തിന്‌റെ തിരക്കഥ സംബന്ധിച്ച ചര്‍ച്ചകള്‍ പൂര്‍ത്തിയായിരുന്നു.
Post Your Comments