ഒമര്‍ ലുലു സംവിധാനം ചെയ്യുന്ന ഒരു അഡാര്‍ ലവ് എന്ന ചിത്രത്തിലെ മാണിക്ക മലരായ പൂവി എന്ന ഒറ്റ ഗാനം കൊണ്ട് ഹിറ്റായ നായികയാണ് പ്രിയ പ്രകാശ് വാര്യര്‍. കേരളവും ഇന്ത്യയും കടന്ന ലോകം മുഴുവന്‍ താരത്തിന് ഇപ്പോള്‍ ആരാധകരുണ്ട്. ഏറ്റവും കുറഞ്ഞ സമയത്തിനുള്ളില്‍ യൂട്യൂബില്‍ ഒരു മില്യണ്‍ വ്യൂവ്‌സ് പിന്നിട്ട തെന്നിന്ത്യന്‍ വീഡിയോ എന്ന റെക്കോര്‍ഡ് ചിത്രത്തിലെ മാണിക്കമലരായ പൂവി എന്ന ഗാനത്തിനായിരുന്നു.
ഇപ്പോള്‍ പ്രിയയുടെ പുതിയ വീഡിയോയും വന്‍ ഹിറ്റായിരിക്കുകയാണ്. പ്രിയ ഡാന്‍സ് ചെയ്യുന്ന വീഡിയോയാണ് പുറത്തെത്തിയിരിക്കുന്നത്. അഡാര്‍ ലൗ എന്ന ചിത്രത്തിലെ ഗാനരംഗത്തിലുള്ള ഡാന്‍സ് ആണ് വീഡിയോയിലെന്നാണ് വിവരം. ഒരേ സ്റ്റെപ്പുകള്‍ തുടര്‍ച്ചയായിട്ടുള്ളതാണ് വീഡിയോ.
ഒരു മിനിറ്റ് ദൈര്‍ഖ്യമുള്ള വീഡിയോയാണ് പുറത്തെത്തിയിരിക്കുന്നത്. അഡാര്‍ ലൗവ് എന്ന ചിത്രത്തിന്റേതായി പുറത്തെത്തിയ ഗാനവും ടീസറും എല്ലാം വന്‍ ഹിറ്റായിരുന്നു. ചിത്രം എന്ന് പുറത്തെത്തുമെന്നുള്ള കാര്യം വ്യക്തമല്ല.
Post Your Comments