ഒരുപാട് സിനിമകൾ ചെയ്ത് പ്രശസ്തി നേടുന്നവരാണ് സിനിമാ താരങ്ങളിൽ പലരും. അരങ്ങേറ്റ ചിത്രം പുറത്തിറങ്ങുന്നതിനു മുമ്പ് തന്നെ ഒരു ഗാനരംഗം കൊണ്ട് ലോക പ്രശസ്തയായ താരമാണ് പ്രിയ പ്രകാശ് വാര്യർ. താരത്തിനെ സംബന്ധിക്കുന്ന ഓരോ വാർത്തയും സോഷ്യൽ മീഡിയയിൽ വൈറലാകാറുണ്ട്.
അടുത്തിടെ അഡാർ പാട്ടുമായി അരുണിന്റെ കല്യാണത്തിന് തകർത്താടിയ പ്രിയാ വാര്യറിന്റെ വീഡിയോ ശ്രദ്ധ നേടിയിരുന്നു . ഒളിമ്പ്യന്‍ അന്തോണി ആദം എന്ന ചിത്രത്തിലൂടെ പ്രേക്ഷക മനസുകളില്‍ ഇടം നേടിയ അരുണ്‍ കുമാറിന്‍റെ വിവാഹത്തിനിടയിലാണ് പ്രിയാ വാര്യര്‍ തകര്‍പ്പന്‍ പാട്ടുപാടി താരമായത്. പ്രിയയും അരുണും ഒരുമിച്ചാണ് അഡാര്‍ ലൗ എന്ന ചിത്രത്തില്‍ അഭിനയിച്ചിരിക്കുന്നത്.
കഴിഞ്ഞ ദിവസമായിരുന്നു അരുണിന്റെ കല്യാണം. ഡോക്ടര്‍ അശ്വതിയാണ് വധു. തിരുവനന്തപുരത്ത് നടന്ന വിവാഹ ചടങ്ങില്‍ അടുത്ത ബന്ധുക്കളും സുഹൃത്തുക്കളും പങ്കെടുത്തു. തിരുവനന്തപുരത്ത് മണ്ണന്തലയിലുള്ള സൂര്യപ്രഭ കണ്‍വെന്‍ഷന്‍ സെന്ററിലായിരുന്നു വിവാഹ സൽക്കാരം.
Post Your Comments