ഒരു അഡാര്‍ ലവ് എന്ന ചിത്രത്തിലെ മാണിക്യ മലരായ പൂവി എന്ന ഗാനത്തിലൂടെ ഇന്റര്‍നെറ്റില്‍ തരംഗമായ നടിയാണ് പ്രിയ പ്രകാശ് വാര്യര്‍. പ്രിയയുടെ തരംഗത്തിലാണ് ഇപ്പോഴും തെലുങ്കാന പൊലീസ്. റോഡിലൂടെ ഹെല്‍മറ്റ് ധരിക്കാതെ ബൈക്കില്‍ യാത്ര ചെയുന്നവരുടെ ചിത്രങ്ങളും പിഴയും പുതിയ പരിഷ്കരമെന്ന രീതിയില്‍ സോഷ്യല്‍ മീഡിയയില്‍ പൊലീസ് പോസ്റ്റ് ചെയു ന്നുണ്ട്. ഇത്തരത്തിലുള്ള ഒരു ട്വീറ്റില്‍ ഇടം നേടിയിരിക്കുകയാണ് പ്രിയ.
സംഭവം ഇങ്ങനെ… ഹെല്‍മെറ്റ് ഇല്ലാതെ യാത്ര ചെയ്ത യുവാവിന്റെ ചിത്രവും പിഴയുടെ ചെല്ലാനും ട്വീറ്റില്‍ കഴിഞ്ഞ ദിവസം പൊലീസ് പങ്കുവച്ചിരുന്നു. ഈ യുവാവ് തനിക്ക് ‘ഹെല്‍മറ്റ് ഇല്ല, താന്‍ മനുഷ്യനെപ്പോലെ മരണം വരിക്കുമെന്നും ‘ ബൈക്കില്‍ രേഖപ്പെടുത്തിയിരുന്നു. ഇതിനുള്ള മറുപടി സഹിതമായിരുന്നു പൊലീസിന്റെ ട്വീറ്റ്. ‘കൃഷ്ണ റെഡ്ഡി നിങ്ങള്‍ ക്ഷമിക്കണം. താങ്കളെ ഞങ്ങള്‍ മരിക്കാന്‍ വിടില്ല. മാത്രമല്ല നിങ്ങള്‍ യഥാര്‍ത്ഥ മനുഷ്യനായി ജീവിക്കുന്നത് ഞങ്ങള്‍ കാണും.ദയവായി ഹെല്‍മെറ്റ് ധരിച്ച് ബൈക്കില്‍ സഞ്ചരിക്കൂ’ എന്നായിരുന്നു പൊലീസിന്റെ മറുപടി.
#HYDTPweCareForU We r extremely Sorry Mr. Krishna Reddy Sir. We won’t let U die. We will see that U “LIVE LIKE REAL MEN”. Please wear helmet & ride. ?♂️?@AddlCPTrHyd pic.twitter.com/Q9NFcD4hva
— HYDTP (@HYDTP) April 25, 2018
ഇതിനെ തുടര്‍ന്ന് പൊലീസിന് നിരവധി മറുപടികള്‍ ലഭിച്ചു. അത്തരം ഒന്നില്‍ ഹെല്‍മെറ്റില്ലാതെ യാത്ര ചെയ്യുന്ന പൊലീസുകാരുടെ ചിത്രമായിരുന്നു ഉണ്ടായിരുന്നത്. ഇതിനു പ്രിയയുടെ ചിത്രം കൊണ്ട് മറുപടി നല്‍കിയിരിക്കുകയാണ് പൊലീസ്.
തങ്ങളുടെ സഹപ്രവര്‍ത്തകരുടെ നിയമലംഘനത്തിനും നടപടിയുണ്ടാകും. എല്ലാവര്‍ക്കും ട്രാഫിക് നിയമം ബാധകമാണ്. ആളുകളുടെ സുരക്ഷയ്ക്കാണ് ഹെല്‍മെറ്റ് ധരിക്കാന്‍ നിര്‍ദേശിക്കുന്നത് എന്ന് പിഴയുടെ രസീത് സഹിതം പൊലീസ് ട്വീറ്റ് ചെയ്തു. ഈ ട്വീറ്റില്‍ കണ്ണിറുക്കി കാഞ്ചിവലിക്കുന്ന പ്രിയയുടെ ചിത്രം പൊലീസ് ഉള്‍പ്പെടുത്തിയിരുന്നു.
#HYDTPallRequalBeforeLaw We won’t wink at the violations of our men. We definitely shoot him with e-Challan. Traffic Law is equal for all and should b followed for our own safety. Please wear helmet. Happy riding.?♂️?@AddlCPTrHyd pic.twitter.com/DEw4Ulcg5R
— HYDTP (@HYDTP) April 27, 2018
Post Your Comments