ഒരുകാലത്ത് യുവത്വത്തിനു ഹരമായിരുന്ന ബോളിവുഡ് താര സുന്ദരി മുംതാസ് അന്തരിച്ചു എന്ന തരത്തിലുള്ള വാര്‍ത്തകള്‍ കഴിഞ്ഞ കുറച്ചു ദിവസങ്ങളായി സജീവമായിരുന്നു. ഹൃദയാഘാതമാണ് മരണകരണമെന്നായിരുന്നു പ്രചരണം. എന്നാല്‍ സോഷ്യല്‍ മ്മേടിയയില്‍ അടക്കം പ്രചരിക്കുന്ന ഈ വ്യാജ വാര്‍ത്തയ്ക്കെതിരെ മകള്‍ രംഗത്തെത്തി. തന്റെ അമ്മ മുംതാസ് സുഖമായിരിക്കുന്നുവെന്നും സമൂഹ മാധ്യമത്തില്‍ പോസ്റ്റ് ചെയ്ത വീഡിയോയിലൂടെ മുംതാസിന്റെ ഇളയ മകള്‍ അറിയിച്ചു.
‘എന്റെ അമ്മയ്ക്ക് സുഖമില്ലെന്നും മറ്റുമുള്ള തരത്തില്‍ കഴിഞ്ഞ കുറെ ദിവസങ്ങളായി ചില വ്യാജ പ്രചരണങ്ങള്‍ നടക്കുന്നുണ്ട്. അമ്മയുടെ ആരാധകര്‍ അറിയാന്‍… അമ്മ സുഖമായി തന്നെ ഇരിക്കുന്നു. അമ്മ ഇപ്പോള്‍ എന്റെ കൂടെ റോമിലാണ്. ഞങ്ങളിപ്പോള്‍ എന്റെ തോട്ടത്തിലേക്ക് കുറച്ചു ചെടികള്‍ വാങ്ങുന്നതിനായി പുറത്തു പോവുകയാണ്. ഞന്‍ ചില ചിത്രങ്ങള്‍ ഇവിടെ പോസ്റ്റ് ചെയ്യുന്നതായിരിക്കും. അപ്പോള്‍ നിങ്ങള്‍ക്ക് മനസിലാകും അമ്മ എത്ര ആരോഗ്യവതിയായി ഇരിക്കുന്നുവെന്ന്. ഇത്തരം പ്രചരണങ്ങളോ വാര്‍ത്തകളോ വിശ്വസിക്കരുത്. അതെല്ലാം വെറും കിംവദന്തികള്‍ മാത്രമാണ”. മുംതാസിന്റെ മകള്‍ തന്യ മാധവി ഇന്‍സ്റ്റാഗ്രാം വിഡിയോയിലൂടെ അറിയിച്ചു.
മുംതാസിന്റെ പുതിയ ചിത്രവും തന്യ പങ്കുവച്ചിട്ടുണ്ട്. എന്റെ അമ്മ സുഖമായി ഇരിക്കുന്നു. റോമിലെ ജീവിതം ആസ്വദിക്കുന്നു. സന്തോഷത്തോടെയും ആരോഗ്യത്തോടെയും. മുംതാസിന്റെ ചിത്രത്തിന് താഴെ തന്യ കുറിച്ചു.
Post Your Comments