മലയാള സിനിമയിലെ വ്യത്യസ്തനായ ഒരു വ്യക്തിത്വമാണ് നടനും സംവിധായകനുമായ സന്തോഷ് പണ്ഡിറ്റ്. ‘കൃഷ്ണനും രാധയും’ എന്ന ചിത്രത്തിലൂടെ സിനിമാലോകത്തേക്ക് കടന്നു വന്ന സന്തോഷ് പലപ്പോഴും വ്യത്യസ്തനാകുന്നത് തന്റെ തന്നെ നിലപാടുകള്‍ കൊണ്ടാണ്. നേഴ്സുമാരുടെ സമരത്തില്‍ പങ്കുചേര്‍ന്നും അട്ടപ്പാടിക്കാര്‍ക്ക് സാമ്പത്തിക സഹായങ്ങള്‍ ചെയ്തും സാമൂഹികമായ വിഷയങ്ങളില്‍ എപ്പോഴും തന്റേതായ നിലപാടുകള്‍ എടുക്കുന്ന സോഷ്യല്‍ മീഡിയയിലെ ഈ സൂപ്പര്‍ താരത്തിന്റെ പുതിയ ചിത്രം റിലീസിന് ഒരുങ്ങുകയാണ്. ഉരുക്ക് സതീശന്‍ എന്ന് പേരിട്ടിരിക്കുന്ന ചിത്രത്തിന്‍റെ ട്രെയിലര്‍ റിലീസായി. വളരെ ചുരുങ്ങിയ സമയം കൊണ്ട് സമൂഹമാധ്യമങ്ങളില്‍ ഉരുക്ക് സതീശന്‍ ചര്‍ച്ചയാകുകയാണ്.
ചിരഞ്ജീവി ഐപിഎസ് വെഴ്സസ് നീലിമ നല്ല കുട്ടിയാണ് എന്ന ചിത്രത്തിനുശേഷം മൊട്ടയടിച്ച് കിടിലന്‍ ഗെറ്റപ്പിലാണ് പണ്ഡിറ്റ് ഉരുക്കു സതീശനില്‍ എത്തുന്നത്..ഉരുക്കു സതീശനിലെ ചിത്രങ്ങളും ട്രെയിലറുകളും പണ്ഡിറ്റ് ആരാധകര്‍ക്കുവേണ്ടി പങ്കു വച്ചിട്ടുണ്ട്.
Post Your Comments