ഇന്ത്യന്‍ സിനിമയുടെ വിസ്മയം സൂപ്പര്‍ സ്റ്റാര്‍ രജനീകാന്തും നടന്‍ വിജയ് സേതുപതിയും മുഖ്യ കഥാപാത്രങ്ങളെ അവതരിപ്പിക്കുന്ന ബ്രഹ്മാണ്ഡ ചിത്രം ഉടന്‍. വിക്രം വേദയെന്ന വിജയ് സേതുപതിയുടെ ഹിറ്റ് ചിത്രത്തിനു ശേഷം ബോക്‌സോഫീസ് തൂത്തു വാരുമെന്ന പ്രതീക്ഷയുമായാണ് ചിത്രം വരുന്നത്. സണ്‍ പിക്‌ചേഴ്‌സ് നിര്‍മ്മിക്കുന്ന ചിത്രം കാര്‍ത്തിക്ക് സുബ്ബരാജാണ് സംവിധാനം ചെയ്യുന്നത്. സണ്‍ പിക്‌ചേഴ്‌സിന്‌റെ ട്വിറ്റര്‍ പേജ് വഴിയാണ് ചിത്രത്തെ പറ്റിയുള്ള വാര്‍ത്തകള്‍ പുറത്തുവന്നത്. വിജയ് സേതുപതി വില്ലന്‍ റോളില്‍ എത്തുമെന്നാണ് റിപ്പോര്‍ട്ടുകള്‍.
രജനീകാന്ത് നായകനായി പാ. രഞ്ജിത്ത് സംവിധാനം ചെയ്യുന്ന കാലാ റിലീസിനൊരുങ്ങുന്ന അവസരത്തിലാണ് ആരാധകരെ സന്തോഷതിമിര്‍പ്പിലാക്കി പുതിയ ചിത്രത്തെപറ്റിയുള്ള റിപ്പോര്‍ട്ടുകള്‍ വരുന്നത്. മണിരത്‌നം സംവിധാനം ചെയ്യുന്ന ചെക സിവന്ത വാനം എന്ന ചിത്രത്തിന്‌റെ ഷൂട്ടിങ്ങിലാണ് ഇപ്പോള്‍ വിജയ്. ഇതു പൂര്‍ത്തിയായ ശേഷം രജനീകാന്ത്- വിജയ് സേതുപതി ചിത്രത്തിന്‌റെ ജോലികള്‍ ആരംഭിക്കും. ചിത്രത്തിന്‌റെ പേര് ഇതു വരെ തീരുമാനിച്ചിട്ടില്ല.
Post Your Comments