തിരുവനന്തപുരം: വീണ്ടും മലയാളി മനസ്സിനെ കീഴടക്കാൻ സണ്ണി ഇന്ന് തലസ്ഥാനത്തേക്ക് . ബോളിവുഡ് താരം സണ്ണി ലിയോണ്‍ കൊച്ചിയിലെത്തിയത് കോളിളക്കം സൃഷ്ടിച്ച ആഘോഷമാക്കി മാറ്റിയവരാണ് മലയാളികള്‍. മലയാളികളുടെ സ്നേഹം കണ്ട് സണ്ണിയും ഞെട്ടിയതാണ്. ഇപ്പോഴിതാ ദൈവത്തിന്റെ സ്വന്തം നാട്ടിലേക്ക് വീണ്ടും വരികയാണ് സണ്ണി. ഒരു സ്വകാര്യ സ്ഥാപനം സംഘടിപ്പിക്കുന്ന ‘ദി ഇന്ത്യന്‍ ഡാന്‍സ് ബിനാലെ’ എന്ന നൃത്ത പരിപാടിയുടെ ഭാഗമായി ഇന്ന് തിരുവനന്തപുരത്ത് എത്തും.
കൊച്ചിയില്‍ ലഭിച്ച അതേ സ്നേഹം തിരുവനന്തപുരത്ത് നിന്നും തനിക്ക് ലഭിക്കുമെന്ന് കരുതുന്നതായി സണ്ണി ഒരു മാധ്യമത്തോട് നേരത്തേ പറഞ്ഞിരുന്നു. എന്റെ കാര്‍ കൊച്ചിയുടെ സ്നേഹ സാഗരത്തില്‍ മുങ്ങിയപ്പോള്‍ എന്ന കുറിപ്പോടെ കൊച്ചിയിലെത്തിയ ചിത്രം സണ്ണി തന്റെ ട്വിറ്റര്‍ അക്കൗണ്ടിലൂടെ പങ്കുവയ്ക്കുകയും ചെയ്തിരുന്നു. സണ്ണിക്ക് ഗംഭീര സ്വീകരണം നല്‍കാനുള്ള തയ്യാറെടുപ്പിലാണ് പരിപാടിയുടെ അണിയറ പ്രവര്‍ത്തകര്‍. 26 ന് വൈകീട്ടാണ് നൃത്ത പരിപാടി അരങ്ങേറുക. ചടുലമായ നൃത്ത ചുവടുകളുമായി ആരാധകര്‍ക്ക് വിരുന്നേകാനുള്ള തയ്യാറെടുപ്പിലാണ് സണ്ണി.
Post Your Comments