ബോളിവുഡ് താരസുന്ദരി അനുഷ്ക ശർമ്മ വ്യത്യസ്ത വേഷങ്ങൾ ചെയ്തുകൊണ്ട് പ്രേക്ഷക ശ്രദ്ധ പിടിച്ചുപറ്റുകയാണ്. ഭയപ്പെടുത്തുന്ന രൂപഭാവത്തോടെ പാരി എന്ന ചിത്രത്തിലൂടെ അനുഷ്ക എല്ലാവരെയും ഞെട്ടിച്ചിരുന്നു. ഇപ്പോഴിതാ മറ്റൊരു മേക്ക് ഓവറില്‍ അനുഷ്ക ശര്‍മ്മ എത്തുന്നു.
പ്രായമായ സ്ത്രീയുടെ വേഷത്തിലാണ് അനുഷ്ക ഉള്ളത്. കിടിലം ഗെറ്റപ്പ്.വ്യത്യസ്ത കഥാപാത്രങ്ങളിലൂടെ ആരാധകരെ വീഴ്ത്താന്‍ അനുഷ്‌കയ്ക്ക് പ്രത്യേക കഴിവുണ്ട്. സുയി ധാഗ എന്ന ചിത്രത്തിലെ ഫോട്ടോയാണ് വൈറലാകുന്നത്. കഥാപാത്രത്തിനായി മേക്കപ്പ് ചെയ്യുന്ന ഫോട്ടോയാണ് വൈറലായത്. ശരത് ആണ് ചിത്രം സംവിധാനം ചെയ്യുന്നത്. വരുണ്‍ ധവാന്‍ ആണ് നായകന്‍.
വരുണ്‍ ധാവാന്റെ ഭാര്യാ വേഷമാണ് അനുഷ്ക കൈകാര്യം ചെയ്യുന്നത്. സാധാരണ കുടുംബത്തിന്റെ ജീവിതമാണ് ചിത്രം. മുഷിഞ്ഞ സാരിയൊക്കെ ഉടുത്താണ് അനുഷ്ക എത്തുന്നത്. യാഷ് രാജ് ഫിലിംസാണ് ചിത്രം തിയറ്ററിലെത്തിക്കുന്നത്.ആദിത്യ ചോപ്രയും മനീഷ് ശര്‍മ്മയുടെ ചേര്‍ന്നാണ് ചിത്രം നിര്‍മ്മിക്കുന്നത്. ഈ വര്‍ഷം സെപ്തംബറില്‍ സിനിമ തിയറ്ററിലെത്തും.
Post Your Comments