കുടുംബ ചിത്രങ്ങളിലെ നായകന്‍ എന്ന പേര് സ്വന്തമാക്കിയ നടനാണ്‌ ജയറാം. ഭരതന്‍, പത്മരാജന്‍, രാജസേനന്‍ തുടങ്ങിയ സംവിധായകരുടെ മികച്ച ചിത്രങ്ങളില്‍ നായകനായിരുന്ന ജയറാം വീണ്ടും വിഷുക്കാല റിലീസുമായി തിയറ്ററുകളില്‍ എത്തിയിരിക്കുകയാണ്. തുടര്‍ച്ചയായ പരാജയങ്ങള്‍ക്കിടയില്‍ നിന്നും വീണ്ടും ഒരു വിജയ ചിത്രം എത്തിയതിന്റെ സന്തോഷം പങ്കുവയ്ക്കുകയാണ് നടന്‍.
പത്തുവര്‍ഷക്കാലമായി തന്നോടൊപ്പം പല വേദികളിലും മിമിക്രി അവതരിപ്പിച്ച രമേശ്‌ പിഷാരടി ഒരുക്കിയ പഞ്ചവര്‍ണ്ണ തത്ത എന്ന ചിത്രത്തിന്റെ വിജയത്തിന്റെ സന്തോഷത്തിലാണ് ജയറാം. എന്നാല്‍ അടിക്കടി തനിക്കുണ്ടായ പരാജയം തന്റെ ചില തിരഞ്ഞെടുപ്പുകളുടെ പാളിച്ചയാണെന്നു താരം പറയുന്നു.
പരാജയങ്ങള്‍ ഉണ്ടായെങ്കിലും പുതിയ ചിത്രമായ പഞ്ചവര്‍ണ്ണതത്തയെ വിജയിപ്പിച്ച തന്റെ കുടുംബപ്രേക്ഷകര്‍ക്ക് നന്ദി അറിയിക്കുകയും ചെയ്തു താരം.
Post Your Comments