തെലുങ്കിലെ ഹിറ്റ് ചിത്രങ്ങളുടെ നായകൻ മഹേഷ് ബാബുവിന്റെ ഏറ്റവും പുതിയ ചിത്രമാണ് ‘ഭാരത് ആനെ നേനു’. കഴിഞ്ഞ വെള്ളിയാഴ്ച പുറത്തിറങ്ങിയ ചിത്രം സൂപ്പർ ഹിറ്റായി ഓടിക്കൊണ്ടിരിക്കുകയാണ്. ചിത്രവുമായി ബന്ധപ്പെട്ട മഹേഷ് ബാബു സോഷ്യൽ മീഡിയയിൽ പങ്കുവെച്ച ഒരു ചിത്രമാണ് വൈറലായി മാറിയിരിക്കുന്നത്.
സ്വകാര്യ ജീവിതം ആരാധകർക്കുമുമ്പിൽ അധികം പ്രദർശിപ്പിക്കാത്ത താരമാണ് മഹേഷ് ബാബു. എന്നാൽ ചിത്രം ഹിറ്റായതിൽ മുഴുവൻ ക്രഡിറ്റും ഭാര്യ നമൃതയ്ക്ക് നൽകുകയാണ് താരം. ഭാര്യയെ ചുംബിക്കുന്ന ഒരു ചിത്രമാണ് ഇൻസ്റ്റാഗ്രാമിൽ താരം പോസ്റ്റ് ചെയ്തത്. ഒപ്പം ഒരുപാട് നന്ദി എന്റെ പ്രിയതമയ്ക്ക് എന്നും അടിക്കുറിപ്പ് നൽകി. ചിത്രം ഇതിനോടകം ആരാധകർ ഏറ്റെടുത്തുകഴിഞ്ഞു.
ബോക്സ് ഓഫീസ് ഹിറ്റുകളുടെ പട്ടികയിലേക്ക് കുതിച്ചുകൊണ്ടിരിക്കുകയാണ് നിലവിൽ ഈ ചിത്രം. മുഖ്യമന്ത്രിയുടെ വേഷമാണ് ചിത്രത്തിൽ മഹേഷ് ബാബുവിന്. രാഷ്ട്രീയ പശ്ചാത്തലത്തിൽ ഒരുക്കിയ ചിത്രത്തിൽ കിയാരയാണ് നായിക. പ്രകാശ് രാജ്, രവി കിഷൻ, ശരത് കുമാർ, ജീ, തുടങ്ങിയവർ പ്രധാന കഥാപാത്രങ്ങളെ അവതരിപ്പിക്കുന്നു.
Post Your Comments