നിരവധി സിനിമകളില്‍ മികച്ച വേഷങ്ങള്‍ അവതരിപ്പിച്ച് കൊണ്ട് പ്രേക്ഷക മനസ്സില്‍ സ്ഥാനം നേടിയ നടിയാണ് മധുബാല. ‘റോജ’ എന്ന തമിഴ് ചിത്രമാണ്‌ മധുബാലയെ ജനപ്രിയ നായികയാക്കിയത്. യോദ്ധ, നീലഗിരി തുടങ്ങിയവയാണ് മലയാളത്തിലെ മധു ബാലയുടെ ശ്രദ്ധേയ ചിത്രങ്ങള്‍. തെന്നിന്ത്യയില്‍ തിളങ്ങി നിന്ന താരത്തിനു സിനിമയില്‍ നിന്ന് അവഗണന നേരിട്ടുണ്ടെന്നു മധുബാല വ്യക്തമാക്കി.
ഒരു സിനിമയുടെ ചിത്രീകരണത്തിന്റെ മൂന്നാം ദിവസം തന്നെ പറഞ്ഞു വിട്ടതായി മധുബാല പറയുന്നു. ഒരു പ്രമുഖ സംവിധായകന് തന്‍റെ അഭിനയം മോശാമാണെന്ന് അഭിപ്രായപ്പെടുകയും സിനിമയില്‍ നിന്ന് പിന്മാറാന്‍ ആവശ്യപ്പെട്ടെന്നും നടി വ്യക്തമാക്കി. തന്നെ ഒഴിവാക്കിയ സംവിധായകന് ശക്തമായ മറുപടി നല്‍കി കൊണ്ടായിരുന്നു മധുബാലയുടെ തിരിച്ചു വരവ്. തെന്നിന്ത്യന്‍ സിനിമയിലെ ഏറ്റവും തിരക്കുള്ള നായികായി മാറിയ മധു അന്നത്തെ സൂപ്പര്‍ താരങ്ങളുടെ പ്രധാന നായികമാരില്‍ ഒരാളായിരുന്നു. ഒരു പ്രമുഖ മാധ്യമത്തിനു നല്‍കിയ അഭിമുഖത്തിലായിരുന്നു സിനിമയില്‍ നിന്ന് ഒഴിവാക്കിയ അനുഭവം താരം പങ്കുവെച്ചത്.
Post Your Comments