തെന്നിന്ത്യന്‍ സൂപ്പര്‍ താരമാണ് വിജയ്. നടന്‍ വിജയുടെ വിജയത്തിന് പിന്നില്‍ ഒരു താരമുണ്ടെന്നു അച്ഛനും സംവിധായകനുമായ എസ് എ ചന്ദ്രശേഖര്‍ പറയുന്നു. തമിഴകത്ത് ഒരു കാലത്തെ സൂപ്പര്‍ താരമായ വിജയകാന്താണ് ആ നടന്‍. സംഭവത്തെക്കുറിച്ച് എസ് എ ചന്ദ്രശേഖര്‍ പറയുന്നതിങ്ങനെ…
”തന്റെ മകനായ വിജയ്യെ നടനാക്കി മാറ്റുന്നതിന് ആദ്യം തയാറാക്കിയ സിനിമ പരാജയപ്പെട്ടതിനെ തുടര്‍ന്ന് അക്കാലത്തെ വലിയ സ്റ്റാറായ വിജയകാന്തിനൊപ്പം സഹതാരമായി വിജയിനെ എത്തിക്കാന്‍ താന്‍ തീരുമാനിച്ചു. ഇക്കാര്യം സംസാരിക്കാന്‍ വിജയകാന്തിനെ വിളിച്ച്‌ അങ്ങോട്ടു വരാം എന്നു പറഞ്ഞപ്പോള്‍ നിമിഷങ്ങള്‍ക്കകം വിജയകാന്ത് വീട്ടില്‍ എത്തിയെന്നും എന്താണ് വേണ്ടത് എന്ന് ചോദിച്ചുവെന്നും ചന്ദ്രശേഖര്‍ പറയുന്നു. വിജയിന്റെ കാര്യം പറഞ്ഞപ്പോള്‍ എപ്പോള്‍ പടം തുടങ്ങാമെന്നാണ് വിജയകാന്ത് ചോദിച്ചത്. പ്രതിഫലക്കാര്യമെല്ലാം പിന്നെ സംസാരിച്ചാല്‍ മതിയെന്ന് പറഞ്ഞ് പോകുകയും ചെയ്തു. അങ്ങനെ സെന്ദൂരപാണ്ടി യാഥാര്‍ത്ഥ്യമായി.”
എസ് എ ചന്ദ്രശേഖറിന്റെ സംവിധാനത്തില്‍ വിജയകാന്തും വിജയും ഒന്നിച്ചെത്തിയ ചിത്രമാണ് സെന്ദൂരപാണ്ടി. അടുത്തിടെ വിജയകാന്തിന്റെ കരിയറിന്റെ 40-ാം വാര്‍ഷികം തമിഴ് സിനിമാ ലോകം ആഘോഷിച്ചു. ഈ ചടങ്ങിലാണ് വിജയിയുടെ കരിയര്‍ കെട്ടിപ്പടുക്കുന്നതില്‍ വിജയകാന്ത് നല്‍കിയ സഹായത്തെ കുറിച്ച് എസ് എ ചന്ദ്രശേഖര്‍ സംസാരിച്ചത്. സിനിമയില്‍ നിന്നും കുറച്ചു കാലമായി പിന്മാറിയ വിജയകാന്ത് ഇപ്പോള്‍ രാഷ്ട്രീയത്തില്‍ മാത്രമാണ് സജീവമായിട്ടുള്ളത്. തന്റെ മകനൊപ്പം ഒരു ചിത്രത്തിലൂടെ തിരിച്ചുവരവിനുള്ള ശ്രമത്തിലാണ് അദ്ദേഹം.
Post Your Comments