മലയാളത്തിലെ ആദ്യ സ്വഭാവിക നടനെന്ന നിലയിലാണ് സത്യന്‍ മാസ്റ്റര്‍ പ്രേക്ഷകര്‍ക്കിടയില്‍ സ്ഥാനം നേടുന്നത്, അദ്ദേഹത്തിനൊപ്പം പ്രവര്‍ത്തിച്ച പ്രേം നസീര്‍ മധു തുടങ്ങിയ ഇതിഹാസ താരങ്ങള്‍ക്ക് സത്യന്‍ എന്ന അഭിനേതാവ് നല്ലൊരു ജ്യേഷ്ഠ സഹോദരന്‍ കൂടിയായിരുന്നു.
സത്യന്‍ മാസ്റ്ററെ അസഹനീയമായ തരത്തില്‍ മിമിക്രികാര്‍ അവതരിപ്പിക്കുന്നതിനെതിരെ രംഗത്ത് വന്നിരിക്കുകയാണ് മലയാള സിനിമയുടെ കാരണവര്‍ മധു. ഇനിയെങ്കിലും സത്യന്‍ മാസ്റ്ററെ അവതരിപ്പിക്കുന്നത് നിങ്ങള്‍ക്ക് നിര്‍ത്തിക്കൂടെ മധു തുറന്നടിക്കുന്നു.
എന്നെ മിമിക്രികാര്‍ അവതരിപ്പിക്കുമ്പോള്‍ ദേഷ്യം തോന്നാറുണ്ട്.പിന്നെ അവരുടെ ജീവിത മാര്‍ഗമാണല്ലോ ഇതെന്ന് ഓര്‍ത്ത്‌ ഞാന്‍ ആശ്വസിക്കും. പക്ഷേ സത്യന്‍ മാസ്റ്ററെ വളരെ വികലമായി മിമിക്രികാര്‍ അവതരിപ്പിച്ചു കാണുമ്പോള്‍ വല്ലാത്ത ദേഷ്യം തോന്നാറുണ്ട്. കാരണം മനസ് കൊണ്ടും ശരീരം കൊണ്ടും ഇത്രയും വില്‍ പവറുള്ള ഒരു ആര്‍ട്ടിസ്റ്റിനെ ഞാന്‍ വേറെ കണ്ടിട്ടില്ല. അദ്ദേഹത്തെ തീരെ ദുര്‍ബലനായി അവതരിപ്പിക്കുന്നത് എനിക്ക് ആസ്വദിക്കാനാവില്ല മധു പറയുന്നു.
Post Your Comments