അഭിനയം, സംവിധാനം എന്നീ മേഖലകളില്‍ തന്റേതായ സ്ഥാനം നേടിയ നടനാണ്‌ വിനീത് ശ്രീനിവാസന്‍. എന്നാല്‍ അഭിനയത്തില്‍ നിന്നും താന്‍ ഇപ്പോള്‍ അവധിയെടുക്കുകയാണെന്ന് വിനീത്. അഭിനയ രംഗത്ത് നിന്നും പിന്മാറിയാലും ഗായകനെന്ന നിലയില്‍ താന്‍ സജീവമായി സിനിമയിലുണ്ടാവുമെന്നും താരം വ്യക്തമാക്കി കഴിഞ്ഞു. സ്വന്തം സിനിമയുമായി ബന്ധപ്പെട്ട കാര്യങ്ങളില്‍ കൂടുതല്‍ ശ്രദ്ധ കേന്ദ്രീകരിക്കാനാണ് ഈ തീരുമാനം.
മലര്‍വാടി ആര്‍ട്‌സ് ക്ലബ്, തട്ടത്തിന്‍ മറയത്ത്, തിര, ജേക്കബിന്റെ സ്വര്‍ഗരാജ്യം തുടങ്ങിയ ചിത്രങ്ങള്‍ക്ക് ശേഷം പുതിയ സിനിമ ഒരുക്കാനുള്ള തയ്യാറെടുപ്പിലാണ് വിനീത്. അതിനായി നിരവധി യാത്രകള്‍ വേണമെന്നും താരം വ്യക്തമാക്കി കഴിഞ്ഞു. ക്യാമറയ്ക്ക് മുന്നില്‍ അഭിനയിക്കുന്നതിനേക്കാള്‍ കൂടുതല്‍ താല്‍പര്യം പിന്നില്‍ പ്രവര്‍ത്തിക്കുമ്പോഴാണെന്ന് വിനീത് നേരത്തെ വ്യക്തമാക്കിയിരുന്നു. തിരക്കഥയിലും സംവിധാനത്തിലുമാണ് കൂടുതല്‍ താല്‍പര്യമെന്നും മുന്‍ അഭിമുഖത്തില്‍ പറഞ്ഞിട്ടുണ്ട്.
Post Your Comments