സംവിധായകരും നിര്‍മാതാക്കളും ലൈംഗികമായി ചൂഷണം ചെയ്യുന്നു വെന്നാരോപിച്ച്‌ റോഡില്‍ തുണിയുരിഞ്ഞു പ്രതിഷേധിച്ച നടി ശ്രീ റെഡ്ഡിക്കെതിരെ കടുത്ത വിമര്‍ശനം ഉയരുകയാണ്. നടിക്കെതിരെ തെലുഗു താരസംഘടനയായ മാ (മൂവി ആര്‍ട്ടിസ്റ്റ്സ് അസോസിയേഷന്‍) രംഗത്ത് വന്നതിന് പിന്നാലെ ഹൈദരാബാദില്‍ താന്‍ താമസിക്കുന്ന വീട് ഒഴിഞ്ഞുകൊടുക്കാന്‍ വീട്ടുടമസ്ഥന്‍ ആവശ്യപ്പെട്ടുവെന്ന് ശ്രീ റെഡ്ഡി പറയുന്നു.
‘എന്റെ വീട്ടുടമസ്ഥന്‍ എന്നെ വിളിച്ചിരുന്നു. എന്നെ താമസസ്ഥലത്ത് നിന്ന് ഇറക്കിവിടുമെന്ന് ഭീഷണിപ്പെടുത്തി. എന്തൊരു ഇടുങ്ങിയ ചിന്താഗതിയാണ്’- ശ്രീ റെഡ്ഡി ഫെയ്‌സ്ബുക്കില്‍ കുറിച്ചു.
മൂന്നിലധികം ചിത്രങ്ങളില്‍ അഭിനയിച്ചിട്ടും താര സംഘടനായ മായില്‍ തനിക്ക് അംഗത്വം നല്‍കിയില്ലെന്നും നടി ആരോപിച്ചു. നടിയുടെ പെരുമാറ്റം ഒരിക്കലും അംഗീകരിക്കാനാകില്ലെന്നും അംഗത്വം ലഭിക്കാന്‍ ഇത്തരത്തിലുള്ള പ്രതിഷേധത്തിന്റെ ആവശ്യമില്ലായിരുന്നു- മാ’ ഭാരവാഹിയായ ശിവാജി രാജ പറഞ്ഞു.
Post Your Comments