അഡാർ നായികയും നായകനും ആരാധകരെ കാണാൻ ദുബായിലേക്ക്

സോഷ്യൽ മീഡിയയിലൂടെ ലോകം മുഴുവൻ ആരാധകരെ നേടിയെടുത്ത താരങ്ങളായ പ്രിയ വാര്യരും റോഷനും ദുബായിലേക്ക്. ഒരു അഡാർ ലവ് എന്ന ചിത്രത്തിലെ നായികാ നായകന്മാരാണ് ഇരുവരും ചിത്രം പുറത്തിറങ്ങുന്നതിന് മുമ്പുതന്നെ ഇരുവരും സൈബർ ലോകത്ത് തരംഗമായി മാറിക്കഴിഞ്ഞിരുന്നു.

ചിത്രത്തിന്റെ സംവിധായകൻ ഒമർ ലുലുവും ഇരുതാരങ്ങളും ചേർന്ന് ഏപ്രിൽ 6 വെള്ളിയാഴ്ച ദുബായ്, അബുദാബി, അൽ ഐൻ എന്നിവിടങ്ങളിലെ മെഡിയർ 24×7 ആശുപത്രികളിൽ എത്തി ആരാധകരെ സന്ദർശിക്കും. ഇന്ത്യൻ സോഷ്യൽ ആൻഡ് കൾച്ചറൽ സെൻററിൽ താരങ്ങളോടും സംവിധായകനോടും ചോദ്യങ്ങൾ ചോദിക്കാൻ അവസരം ഉണ്ടാകും.

അൽ ഐനിലെ മെഡിയർ ഇൻറർനാഷണൽ ഹോസ്പിറ്റലിൽ ശനിയാഴ്ച വൈകുന്നേരം വൈകിട്ട് 5 മണി മുതൽ 6 മണിവരെ പ്രിയയും റോഷനും ആരാധകരുമായി സംവദിക്കും. കൂടാതെ വിദ്യാർത്ഥികൾക്കായി ഒരു അക്കാദമിക് സ്കോളർഷിപ്പ് പ്രോഗ്രാം സംഘടിപ്പിച്ചിട്ടുണ്ട്.