കൊച്ചിയില്‍ യുവനടി ആക്രമിക്കപ്പെട്ട കേസില്‍ നടന്‍ ദിലീപ് പ്രതിയാക്കപ്പെടുകയും ദിലീപിനെ മാധ്യങ്ങള്‍ ഉള്‍പ്പെടെ വിമര്‍ശിക്കുകയും ചെയ്തു. ജാമ്യത്തില്‍ പുറത്തിറങ്ങിയ ദിലീപിന്റെ ചിത്രമാണ് രാമലീല. അതിലെ ഡയലോഗുകള്‍ ദിലീപിന്റെ ജീവിതവുമായിബന്ധമുള്ളതാണെന്ന് പ്രേക്ഷകര്‍ അഭിപ്രായപ്പെടുകയും ചെയ്തിരുന്നു. അതുകൊണ്ട് തന്നെ ദിലീപിന്റെ അടുത്ത ചിത്രവും അത്തരം ഒരു ബന്ധമുള്ളതാണോ എന്ന് ആരാധകര്‍ സംശയിക്കുന്നു. എന്നാല്‍ അത്തരം ഒരു ബന്ധം കമ്മാരസംഭവം എന്ന ചിത്രത്തിനില്ലെന്നു തിരക്കഥാകൃത്ത് മുരളി ഗോപി പറയുന്നു.
”കമ്മാരസംഭവത്തിന്റെ ചിത്രീകരണം തുടങ്ങിയ ശേഷമാണ് ദീലീപ് കേസില്‍പ്പെടുന്നതും ജയിലില്‍ ആയതും. പിന്നീട് വലിയ ഒരു ഇടവേള ഉണ്ടായി, എന്നിട്ടും ദിലീപിനെ മാറ്റി നിര്‍ത്തി ചിന്തിക്കാനാകാത്ത വിധം ദിലീപിന് വേണ്ടി എഴുതിയ തിരക്കഥയാണ് കമ്മാരന്.
ഈ സിനിമയ്ക്ക് അതിനെ ആ രീതിയില്‍ ഉള്‍ക്കൊണ്ടു കൊണ്ട് രസമായി ചെയ്യാന്‍ കഴിയുന്ന ഒരു അഭിനേതാവ് വേണമായിരുന്നു. മാത്രമല്ല, ഇത്തരം കഥാപാത്രങ്ങള്‍ മുമ്ബ് ചെയ്യാത്ത നടനും ആകണമായിരുന്നു. ആ രീതിയില്‍ ദിലീപ് എന്ന നടന്റെ സാധ്യതകളെ കൂടിയാണ് കമ്മാരന് വേണ്ടി കണ്ടെത്തിയത്. പിന്നെ ഒരു ചിത്രം തുടങ്ങി കഴിഞ്ഞാല്‍ അത് പൂര്‍ത്തികരിക്കണമല്ലോ”. മുരളി ഗോപി പറയുന്നു.
Post Your Comments