സുഡാനി ഫ്രം നൈജീരിയ എന്ന പുതിയ ചിത്രത്തെ പുകഴ്ത്തി പോസ്റ്റ് ഇട്ട നടന്‍ സുരാജ് വെഞ്ഞാറമൂടിനെതിരെ ലീഗ് പ്രവര്‍ത്തകരുടെ പ്രതിഷേധം. ഏറെക്കാലത്തിനു ശേഷം രോമം യഥാര്‍ത്ഥത്തില്‍ എഴുന്നേറ്റു നിര്‍ത്തിയ, കണ്ണു നനയിച്ച സിനിമയെന്നാണ് സുരാജ് വെഞ്ഞാറമ്മൂട് പറഞ്ഞത്. എന്നാല്‍ സിനിമയുടെ ഭംഗിയെ കുറിക്കാന്‍ സുരാജ് പറഞ്ഞ വാക്കുകളിലാണ് ഇപ്പോള്‍ പ്രതിഷേധം നടക്കുന്നത്. ലീഗും കോണിയും കുഞ്ഞാലിക്കുട്ടിയുമൊന്നു മില്ലാത്ത യഥാര്‍ത്ഥ മലപ്പുറം എന്ന പ്രയോഗമാണ് സുരാജ് നടത്തിയത്. ഇതോടെ ലീഗ് അണികള്‍ പ്രതിഷേധം അറിയിച്ചു. ഇതിനെ തുടര്‍ന്ന് പരാമര്‍ശം നീക്കാന്‍ സുരാജ് തയാറായി. ഇതിനു പിന്നാലെ തന്റെ പരാമര്‍ശങ്ങള്‍ ആരെയെങ്കിലും വേദനിപ്പിച്ചെങ്കില്‍ ഖേദം പ്രകടിപ്പിക്കുന്നുവെന്ന് പറഞ്ഞ് ഒരു വിശദീകരണ പോസ്റ്റും സുരാജിട്ടു.
സുരാജിന്റെ പോസ്റ്റ്
മലപ്പുറത്തിന്റെ സ്നേഹവും, ഫുട്ബോളും ലാളനയും എല്ലാ അർത്ഥത്തിലും കാണിച്ചു തന്ന ഒരു സിനിമ എന്ന് മാത്രമാണ് ഇന്നലെ എഴുതിയ നിരൂപണത്തിൽ ഉദ്ദേശിച്ചത്, മലപ്പുറത്തിന്റെ സ്നേഹവും കരുത്തും എല്ലാമാണ് മുസ്ലിം ലീഗും കുഞ്ഞാലി കുട്ടി സാഹിബും എല്ലാം, സുഡാനി എന്ന സിനിമയിലൂടെ മലപ്പുറത്തിന്റെ സ്നേഹവും മറ്റൊരു ജീവനോടുള്ള കരുതലും വേറെ ഒരു ആംഗിളിൽ പ്രേക്ഷകർക്ക് കാണിച്ചു സുഡാനി ഫ്രം നൈജീരിയ എന്ന് മാത്രമാണ് ഉദ്ദേശിച്ചത്…
ഞാൻ എഴുതിയതിൽ ഏതെങ്കിലും രീതിയിൽ ആർക്കെങ്കിലും മനപ്രയാസം നേരിട്ടതിൽ ഖേദം പ്രകടിപ്പിക്കുന്നു…
സുരാജ് !!!
സിനിമാ ലോകത്ത് നഗ്നരായി അഭിനയിച്ച താരങ്ങൾ
Post Your Comments