നൂറു കോടി ക്ലബിലെത്തി പുലിമുരുകന്‍ മലയാള സിനിമയുടെ ചരിത്രത്തിന്റെ ഭാഗമായെങ്കില്‍ ആദ്യമായി ഒരു കോടി ക്ലബില്‍ ഇടം നേടിയ മലയാള ചിത്രം ഏതെന്നു അറിയാന്‍ പ്രേക്ഷകര്‍ക്ക് ശരിക്കും ആഗ്രഹമുണ്ടാകും. 1982-ല്‍ പുറത്തിറങ്ങിയ പടയോട്ടമാണ് മലയാളത്തില്‍ നിന്ന് ആദ്യമായി ഒരു കോടി ക്ലബില്‍ ഇടം നേടുന്ന ചിത്രം. ജിജു പുന്നൂസ് സംവിധാനം ചെയ്ത് നവോദയ അപ്പച്ചന്‍ നിര്‍മ്മിച്ച ഈ ബിഗ്‌ബജറ്റ് ചിത്രത്തില്‍ പ്രേം നസീര്‍, മധു, മോഹന്‍ലാല്‍, മമ്മൂട്ടി എന്നിവര്‍ ആയിരുന്നു പ്രധാന താരങ്ങള്‍.
മലയാളത്തിലെ ആദ്യ 70mm ചലച്ചിത്രമാണ് പടയോട്ടം. അലക്സാണ്ടർ ഡ്യൂമാസിന്റെ ദി കൗണ്ട് ഒഫ് മോണ്ടി ക്രിസ്റ്റോ എന്ന നോവലിനെ അടിസ്ഥാനമാക്കിയാണ് ഈ ചിത്രം നിർമ്മിച്ചിരിക്കുന്നത്.
Post Your Comments