ഗോസിപ്പ് വാര്‍ത്തകളില്‍ എപ്പോഴും നിറഞ്ഞു നില്‍ക്കുന്ന താരമാണ് റാഷി ഖന്ന. പുതിയ വിവാദം ഇന്ത്യന്‍ ക്രിക്കറ്റ് താരം ജസ്പ്രീത് ബുംറയുമായി ബന്ധപ്പെട്ടുള്ളതാണ്. റാഷി ഖന്ന ജസ്പ്രീതുമായി പ്രണയത്തിലാണെന്നായിരുന്നു സിനിമാ മാധ്യമങ്ങളില്‍ വാര്‍ത്തകള്‍ പ്രചരിച്ചത്. താന്‍ ജസ്പ്രീതിന്റെ വലിയ ആരാധികയാണെന്നും അദ്ദേഹത്തെ പ്രണയിക്കുന്നുവെന്നും റാഷി പറഞ്ഞതായി മാധ്യമങ്ങള്‍ റിപ്പോര്‍ട്ട് ചെയ്തിരുന്നു. എന്നാല്‍ ഇത്തരമൊരു വാര്‍ത്ത നിഷേധിച്ചു കൊണ്ട് റാഷി ഖന്ന രംഗത്തെത്തിയിരിക്കുകയാണ്.
“ആരാണ് ഈ ജസ്പ്രീത് ? അദ്ദേഹം ഒരു ക്രിക്കറ്റ് താരമാണെന്ന് അറിയാം, എന്നാല്‍ ഇതുവരെ നേരിട്ട് കണ്ടിട്ടു പോലുമില്ല. അദ്ദേഹത്തിന്‍റെ വ്യക്തിപരമായ കാര്യങ്ങളൊന്നും തനിക്കറിയില്ല. വാസ്തവ വിരുദ്ധമായ വാര്‍ത്തകളാണ് പുറത്തുവരുന്നത്”.-റാഷി ഖന്ന പ്രമുഖ മീഡിയയ്ക്ക് നല്‍കിയ അഭിമുഖത്തില്‍ വിശദീകരിച്ചു.
Post Your Comments