ഒടിയന്‍ സിനിമയ്ക്ക് വേണ്ടി മോഹന്‍ലാല്‍ നടത്തിയ രൂപമാറ്റത്തെ കുറിച്ചുള്ള ചര്‍ച്ചകള്‍ സോഷ്യല്‍ മീഡിയയില്‍ വീണ്ടും സജീവമാകുന്നു. സൂപ്പര്‍താരം ഒരു ആരാധകനോടൊപ്പം നില്‍ക്കുന്ന ചിത്രം കഴിഞ്ഞ ദിവസമാണ് പുറത്ത് വന്നത്. അതോടെ തങ്ങളുടെ ഇഷ്ടതാരത്തിന് എന്തുപറ്റി എന്ന ചോദ്യവുമായി ഒരു വിഭാഗം രംഗത്ത് വന്നു.
ഫോട്ടോയില്‍ ക്ഷീണിച്ച ഭാവത്തോടെയാണ് ലാല്‍ നില്‍ക്കുന്നത്. ക്ലീന്‍ ഷേവും ചെയ്തിട്ടുണ്ട്. ചെറുപ്പക്കാരനാക്കാന്‍ നോക്കി ലാലേട്ടനെ ഈ പരുവത്തിലാക്കിയോ എന്നാണ് സൂപ്പര്‍താരത്തിന്‍റെ കടുത്ത ആരാധകര്‍ പോലും ചോദിക്കുന്നത്. കൊച്ചിയില്‍ ഒരു മൊബൈല്‍ ഷോറൂമിന്‍റെ ഉത്ഘാടനത്തിന് അദ്ദേഹം നേരത്തെ ചെറുപ്പക്കാരനായി വന്നത് ഏറെ വിമര്‍ശനങ്ങള്‍ക്കിടയാക്കിയിരുന്നു.നടന്‍റെ അന്നത്തെ ലുക്കിനെ ചിലര്‍ പിന്തുണച്ചപ്പോള്‍ അദ്ദേഹം ബെല്‍റ്റിട്ടാണ് വേദിയില്‍ എത്തിയതെന്ന് പറഞ്ഞാണ് മറ്റൊരു വിഭാഗം പരിഹസിച്ചത്.
Post Your Comments