സല്‍മാന്‍ ഖാനോട് സഹായം അഭ്യര്‍ഥിച്ച് പൂജ ദാഡ്വാള്‍ എന്ന നടി പോസ്റ്റ്‌ ചെയ്ത വീഡിയോ അടുത്തിടെ സമൂഹ മാധ്യമങ്ങളില്‍ ചര്‍ച്ചയായിരുന്നു. ക്ഷയരോഗ ബാധിതയായ നടി അസുഖം മൂര്‍ഛിച്ചതിനെ തുടര്‍ന്ന് ചികിത്സയ്ക്ക് പണമില്ലാതായതോടെയാണ്‌ മസില്‍മാനോട് സഹായം തേടിയത്.
സൂപ്പര്‍താരം തുണക്കും എന്ന പ്രതിക്ഷയിലാണ് പൂജ വീഡിയോ ഇറക്കിയതെങ്കിലും നടന്‍റെ ഭാഗത്ത് നിന്ന് പ്രതികരണമൊന്നുമുണ്ടായില്ല.എന്നാല്‍ മറ്റൊരു നടന്‍ പഴയ സഹപ്രവര്‍ത്തകയ്ക്ക് ധന സഹായവുമായി രംഗത്ത് വരുകയും ചെയ്തു. ഭോജ്പുരി സിനിമയില്‍ പൂജക്കൊപ്പം അഭിനയിച്ച നടന്‍ രവി കൃഷ്ണനാണ് പൂജയുടെ ചികിത്സയ്ക്ക് വേണ്ട സഹായം ചെയ്തത്. 1997ല്‍ പുറത്തിറങ്ങിയ തുംസെ പ്യാര്‍ ഹോഗയാ എന്ന ചിത്രത്തിലാണ് ഇരുവരും ഒന്നിച്ചഭിനയിച്ചത്.
1995ല്‍ പുറത്തിറങ്ങിയ വീര്‍ഗതി എന്ന ചിത്രത്തിലാണ് പൂജ സല്‍മാനോടൊപ്പം അഭിനയിച്ചിരുന്നു.
Post Your Comments