അന്തരിച്ച ബോളിവുഡ് താരം ശ്രീദേവിയുടെ മകൾ ജാൻവിയുടെ അരങ്ങേറ്റ ചിത്രം എത്തുകയാണ്.എപ്പോഴും ഒപ്പം നടന്നിരുന്ന അമ്മ ഇല്ലാതെ ജാൻവി ആദ്യമായി നടത്തിയ ഫോട്ടോ ഷൂട്ടിനായി തയ്യാറെടുക്കുന്ന ചിത്രങ്ങളാണ് ഇപ്പോൾ വൈറലായി മാറിയിരിക്കുകയാണ്.
ദഡക് എന്ന പുതിയ ചിത്രത്തിന്റെ ഭാഗമായി വോഗ് മാഗസിനു വേണ്ടിയാണ് ജാൻവി ഫോട്ടോഷൂട്ടിനായി തയാറെടുക്കുന്നത്. ഫിറ്റ്നസ് ഫ്രീക് അല്ലാതിരുന്ന താരം കഴിഞ്ഞ കുറച്ചു ദിവസങ്ങളായി ജിമ്മിൽ ഏറെനേരെ വർക്കൗട്ട് ചെയ്യുന്നുണ്ട്. സമയത്തിന് ഉറങ്ങുകയും ആരോഗ്യപ്രദമായ ഭക്ഷണം കഴിക്കുകയും ധാരാളം വെള്ളം കുടിക്കുകയുമൊക്കെ ചെയ്ത് ചിട്ടയായ ജീവിതരീതിയാണ് പിന്തുടരുന്നത്, ഇവയെല്ലാം ഫോട്ടോഷൂട്ടിനു മുന്നോടിയായിട്ടാണെന്നാണ് പറയുന്നു.
മുംബൈയിലെ ഡോം ഇന്റർകോണ്ടിനെന്റൽ മറൈൻഡ്രൈവിൽ ഫോട്ടോഷൂട്ടിനു വേണ്ടി താരം എത്തിയിരുന്നു. അമ്മ ശ്രീദേവിക്കൊപ്പം നിന്ന് ഫോട്ടോഷൂട്ട് ചെയ്യാനായിരുന്നു ജാൻവിയുടെ ആഗ്രഹം എന്നാൽ അത് നടക്കാതെ പോയതിന്റെ സങ്കടത്തിലാണ് താരപുത്രി.
Post Your Comments