ആര്‍ എസ് എസ് ചരിത്രം സിനിമയാകുന്നു, അക്ഷയ് കുമാര്‍ നായകനാകുന്ന ചിത്രം പ്രിയദര്‍ശന്‍ സംവിധാനം ചെയ്യും എന്നൊക്കെയാണ് കഴിഞ്ഞ ദിവസം വാര്‍ത്ത വന്നത്. എന്നാല്‍ അത് വ്യാജ വാര്‍ത്തയാണെന്നും താന്‍ അങ്ങനെയൊരു സിനിമ ചെയ്യുന്നില്ലെന്നും പ്രിയന്‍ പ്രതികരിച്ചു.
“ഞാന്‍ അക്ഷയ് കുമാറിനെ വച്ച് ഒരു സിനിമ ചെയ്യുന്നുണ്ട്. പക്ഷെ അത് ഞാന്‍ മുമ്പ് ചെയ്തത് പോലെ ഒരു കച്ചവട സിനിമയായിരിക്കും, അല്ലാതെ ആര്‍ എസ് എസുമായി യാതൊരു ബന്ധവും ഉണ്ടാകില്ല.” അദ്ദേഹം മാധ്യമങ്ങളോട് പറഞ്ഞു.
ബാഹുബലിയുടെ എഴുത്തുകാരന്‍ വിജയേന്ദ്ര പ്രസാദ് ആര്‍ എസ് എസ് ചരിത്രം പറയുന്ന സിനിമ എടുക്കുകയാണെന്നും നൂറു കോടി രൂപയാണ് ബഡ്ജറ്റ് എന്നുമാണ് ഏതാനും ദിവസങ്ങളായി സോഷ്യല്‍ മീഡിയയില്‍ പ്രചരണം നടന്നത്. പ്രിയദര്‍ശന്‍റെ പേരും പ്രോജക്റ്റുമായി ബന്ധപ്പെട്ട് പ്രചരിച്ചെങ്കിലും ആ വാര്‍ത്തകളൊന്നും സത്യമല്ലെന്ന് ഇപ്പോള്‍ തെളിഞ്ഞിരിക്കുകയാണ്.
Post Your Comments